Numero 32:29 - Manobo Western Bukidnon OT

²⁹ Ke sikandin te, “Emun tutuu ziyà te ǥehinawa niw kayi te etuvangan te Nengazen he edlayun te Jordan is menge sakup te tribu ni Gad wey ni Reuben te kebpekidtebek, ne emun egkaaǥew niw en haazà is tanà, ne iveǥey niw kandan is tanà he Gilead he kandan he tanà.

Numero 32:29 Referans Kwoze

Numero 32:28

Ne mibmenduan ni Moises si Eleazar he memumuhat, si Josue he anak ni Nun, wey is menge pengulu te menge tribu te Israel.

Numero 32:30

Iyan, emun kenè dan edlayun duma keniyu, kinahanglan he ed-angken sikandan te tanà duma keniyu ziyà te Canaan,”

Josue 13:11

Ragkes daan is Gilead wey is menge tanà he mid-ubpaan te menge Gisurhanen wey menge Maakatnen, is tivuuk he Buntud he Hermon, wey is tivuuk he Bashan taman te Saleca.

Numero 32:17

Piru andam key he ebpengegalen te menge zuma zey he menge Israilihanen te kebpekidtebek taman te egkeuwit dey sikandan diyà te kandan he lugar. Dutun te ebpekidtebek key, ne kayi zà mulà is menge vahi zey wey menge anak dey ne ed-ubpè dan diyà te binerengbeng he menge inged he ebeelan dey, su wey zan mekelikey te menge meǥinged kayi he lugar.

Josue 12:6

Nezaag sikandan ni Moises he suluǥuen te Nengazen wey te menge Israilihanen. Imbeǥey ni Moises is tanè dan diyà te tribu ni Reuben, tribu ni Gad, wey ketengà he tribu ni Manase wey zan mepengevilin.

Josue 14:3

Mibeǥayan eni Moises te kandan he vahin sikan is dezuwa wey tengà he menge tribu ziyà te zapit te edsilaan te Jordan. Wazè din beǥayi te vahin is menge kevuwazan ni Levi, piru mibeǥayan din sikandan te menge inged he egkeubpaan dan wey menge penebtavà para te menge uyaǥen dan. Is kevuwazan ni Jose mibahin te zezuwa he tribu–is tribu ni Manase wey is tribu ni Efraim.

Josue 18:7

Piru kenè mulà ebehinan te tanà is menge Levihanen su iyan kandan he vahin is kebpenilbi te Nengazen pinaaǥi te kegkememumuhat dan. Is menge tribu ni Gad, ni Reuben, wey ketengà he tribu ni Manase nekezawat en te kandan he vahin diyà te tanà he zapit te edsilaan te Jordan, he imbeǥey kandan ni Moises te suluǥuen te Nengazen.”

Josue 22:9

Ne zutun nemen-ulì is tribu ni Reuben, ni Gad, wey is ketengà he tribu ni Manase. Mid-ewaan dan is menge zuma zan he menge Israilihanen diyà te Shilo, he tanà te Canaan ne nemen-ulì sikandan diyà te Gilead, sikan is tanà he nehimu he vahin dan he insuǥù te Nengazen ki Moises he iveǥey ziyà te kandan.

Zatù 10:3

Is neketundug ki Tola ne iyan si Jair he tig-Gilead. Mibpenguluwan din is Israel seled te 22 he tuig.

1 Samuel 18:17

Ne zutun migkeǥiyan ni Saul si David te, “Andam ad he ibpeesawa ku kenikew is kinekekayan he anak ku he si Merab asal ibpeehè nu kedì is kevurut nu te kebpekidtebek para te Nengazen.” Diyà te isip ni Saul he te heini he paaǥi ne kenè en iyan sikandin ebpekepatey ki David ke kenà menge Filistihanen is ebpekepatey kandin.