Numero 30:2 - Manobo Western Bukidnon OT

² Emun ebpenaad etawa ebpenangdù is sevaha he maama diyà te Nengazen he ebeelan din etawa kenà haazà is sevaha he vaal he midtendek din, kinahanglan he edtumanen din is langun he mibpengaǥi zin.

Numero 30:2 Referans Kwoze

Salmo 50:14

Siak, is Utew Lavew he Megbevayè niw, iyan egkesuatan ku he ibpemuhat niw kedì is: kebpeselamat wey is kedtumana niw te menge pesarig niw kedì.

Salmo 116:14

Edtumanen ku is menge saad ku he nepirmahan te langun he menge etew zin.

Job 22:27

Ampù ka ziyà te kandin ne ebpemineǥen ke zin, wey tumana nu is menge saad nu ziyà te kandin.

Nahum 1:15

Tengtengi niw is menge tig-Juda! Duen menge menunudtulà he ed-abley ziyà te menge vuvungan su edtudtulan kew zan te meupiya he tudtul he zuen en kelinew ziyà te lugar niw. Umbe silibraha niw en is menge pista niw ne tumana niw is menge penaad niw ziyà te Nengazen. Su is lalung he menge etew ziyà te nasyun he Asiria kenè en maan ebpekesurung keniyu, su ebpurungan ku sikandan edezeeti.

Erubasa 20:25

Ebpekezezaat is kegkemeǥègaanen te kebpenangdù he ibpemuhat nu is sevaha he azen diyà te Nengazen. Kinahanglan he purung ka isip-isip ne human ka penangdù.

Salmo 116:18

Edtumanen ku is menge saad ku ziyà te kenikew he nepirmahan te langun he menge etew nu

Salmo 55:20

Is emiǥu ku te nehuna he timpu nekigkuntada te menge emiǥu zin; wazè din tumana is menge pesarig din.

Salmo 22:25

Midasig a kenikew su wey a medalig kenikew diyà te kevurunan te menge etew nu. Diyà te etuvangan te menge etew he edtahud kenikew, edtumanen ku is menge pesarig ku he ibpemuhat ku ziyà te kenikew.

Leviticus 5:4

Emun ebpenangdù is sevaha he etew he kenè din ed-is-isipen ke meupiya ve haazà wey ke mezaat is impenangdù din he ebeelan din, ne haazà nekepehimu kandin he meremerik, ne ebpekesalà sikandin emun egkepurung din en egkeisip-isip is mibeelan din.

Salmo 76:11

Pesarig kew ziyà te Nengazen he Megbevayè niw ne tumana niw heini. Ipeuwit niw is menge meǥinged te kesikbit niw he menge nasyun te menge gasa ziyà te telehuzen he Megbevayà.

Salmo 119:106

Edtumanen ku iyan is penangdù ku he edsunud a te metazeng he menge suǥù nu.

Salmo 56:12

Edtumanen ku, Megbevayè ku, is pesarig ku kenikew. Ibpemuhat ku is pemuhat te kebpeselamat kenikew.

Zatù 11:39

Ne hein midlavey en is dezuwa he vulan, midlikù sikandin diyà te amey zin. Ne midtuman ni Jefta is penangdù din diyà te Nengazen, ne minatey haazà is anak din he wazè pa mehileveti. Pinaaǥi kayi, nehimu is sulunuzen diyà te Israel

Zatù 11:11

Umbe, miduma si Jefta kandan, ne midhimu sikandin te menge tig-Gilead he pengulu wey peremandar zan. Ne ziyà te Mizpa, nenangdù si Jefta ziyà te etuvangan te Nengazen dutun te kedawata zin te ketengdanen he kebpengulu.

Numero 30:10

“Emun ebpenaad etawa ebpenangdù is bahi he zuen din esawa te kebaal etawa kenà kebaal te vaal he midtendek din,

Numero 21:2

Ne nenangdù is menge Israilihanen diyà te Nengazen he ke sikandan te, “Emun ebpeveyveyaan nu kenami heini he menge etew, ibeǥey zey zaan diyà te kenikew is tivuuk he inged dan pinaaǥi te kedezeeti zey kayi.”

Exodus 20:7

“Kenè niw ǥemita is ngazan ku te wazè din pulus, su siak is Nengazen he Megbevayè niw, edsilut te minsan hentei he egamit te ngazan ku te wazè din pulus.

Salmo 15:3

Wazà sikandin mekeulug te kewusa ziyà te zuma, wey wazà sikandin medhimu wey megkaǥi te mezaat diyà te iring din he etew.

Numero 32:24

Sigi, bangun kew te menge inged he para te menge vahi niw wey menge anak niw, wey vaal kew te menge tudil he para te menge uyaǥen niw. Piru kinahanglan he edtumanen niw is insaad niw.”