Numero 28:6 - Manobo Western Bukidnon OT

⁶ Iyan heini pemuhat kada andew he edtutungen, he insuǥù dengan keniyu te Nengazen diyà te Buntud he Sinai. Is kehemut kayi he pemuhat te pinaaǥi te hapuy ne ebpekepenunuat te Nengazen.

Numero 28:6 Referans Kwoze

Amos 5:25

“Sikiyu is menge etew te Israel, hein seled te 40 he tuig diyà te sibsivayan is menge kepuun niw, nemuhat be sikandan kayi te kedì? Wazà!

Ezekiel 46:14

Idlapik kayi te kerehidu is pemuhat he para gasa he heepat he kilu he herina, wey senge litru he lana te ulibu he para idsahug te herina. Heini he sulunuzen is mehitenged te pemuhat he para gasa kinahanglan he edtumanen taman te taman.

Salmo 50:8

Wazè ku sikiyu zewaya te menge kebpemuhat niw, etawa menge pemuhat he edtutungen he layun niw ibpemuhat.

Ezra 3:4

Midsilibra zan daan is Pista te Kebaal te menge Lawig sumalà te ingkesurat diyà te Kesuǥuan ni Moises. Ne nemuhat dan te menge pemuhat he edtutungen he kinahanglan he ibpemuhat kada andew kayi he pista.

2 Cronica 31:3

Mibeǥey si Hadì Hezekia te keugelingen din he menge uyaǥen he para te menge pemuhat he edtutungen te meselem wey mahapun, wey para zaan te menge pemuhat emun Andew te Kedhimeley, emun Pista te Kebpuun te Hayag, wey te zuma pa he menge pista he ingkesurat diyà te Kesuǥuan te Nengazen.

2 Cronica 2:4

Ebpehitendeg a te valey te Nengazen para te zengeg te Nengazen he Megbevayè ku. Egkehimu heini he segradu he lugar he zutun edtutunga is mehemut he veyewà wey ebpemuhatan layun te segradu he supas. Kayi zaan ebpemuhat te pemuhat he edtutungen kada meselem wey mezukilem, wey te menge Andew te Kedhimeley, te Pista te Kebpuun te Hayag wey te zuma he menge pista te kebeǥayi te zengeg te Nengazen he Megbevayè dey. Heini he sulunuzen kinahanglan he edtumanen te menge Israilihanen taman te taman.”

Exodus 31:18

Ne hein nekepasad is Nengazen he ebpekidlalag ki Moises diyà te puntur te Buntud he Sinai, imbeǥey zin diyà te ki Moises is dezuwa he midlumpipì he vatu he zutun isurat te Megbevayà is menge velaud din.

Numero 28:5

Edlepikan heini te pemuhat he para gasa he zezuwa he kilu he meupiya he kelasi te herina ne midsehuǥan te senge litru he lana te mibevayu he ulibu.

Numero 28:7

Ragkes daan kayi is pemuhat he inumen he idragkes te kebpemuhata te kada kerehidu, he senge litru he vinu, he pemuhat diyà te Nengazen, he id-itis diyà te segradu he lugar para te Nengazen.

Ezekiel 46:15

Umbe kada meselem, kinahanglan he zuen ibpemuhat kayi te kedì he kerehidu, herina, wey lana te ulibu he andew-andew he pemuhat he edtutungen.”

Leviticus 27:34

Iyan heeyan menge suǥù he imbeǥey te Nengazen ki Moises diyà te Buntud he Sinai he para te menge Israilihanen.