Numero 24:6 - Manobo Western Bukidnon OT

⁶ Iring heini te nezalandalan he menge palma, wey menge pemuleey ziyà te kilid te wahig. Iring daan heini te kayu he aloe he impemula te Nengazen, wey te menge kayu he sidru ziyà te kilid te menge wahig.

Numero 24:6 Referans Kwoze

Salmo 1:3

Iring sikandin te kayu he ziyà ipemula te veyvey te wahig ne ebpemeǥas sikandin dutun te timpu te tipemeǥas, ne kenà egkeǥangu is menge zahun din. Is etew he iring kayi, ed-uswag diyà te menge vaal zin.

Isaias 58:11

Layun ku sikiyu egiyahi, ne edhimuwen ku he mekuntintu kew en minsan mereǥen is kebpekesavuk niw. Ebbeǥayan ku sikiyu te meupiya he kedlelawa, ne egkeiring kew te pemuleey he kenà egkekurang is wahig etawa serebseb he kenà egkemezahan.

Salmo 104:16

Nepurungan mevinyaǥi is menge kayu nu he sidru ziyà te Lebanon, he iyan ka nenguney nemula zuen.

Joel 3:18

Dutun he timpu ebewian ku sikiyu. Ed-uzaren kew te veǥu he vinu he ebpuun diyà te mezakel he menge paras diyà te menge vuvungan. Ed-uzaren kew zaan te ǥatas he ebpuun diyà te mezakel he menge vaka wey menge kambing he ebpemenabtab diyà te menge mibuntud-buntud. Kenà egkemezahan is menge wahig niw. Ne edtudà is serebseb he ebpuun diyà te valey te Nengazen ne egkewehiǥan din is menge zal-ug he zuen duen menge acacia.

Ezekiel 47:12

Edtuvù diyà te pesikilizà duen te wahig he edtudà is nekedseselekawà he menge kayu he ebpemeǥas. Kenà egkeǥangu is menge zahun dan wey kenà egkaamin is menge veǥas dan. Ebpemeǥas heini kada vulan su edtudaan man duen te wahig he ebpuun diyà te valey te Nengazen. Egkekaan is menge veǥas dan ne igkevawi is menge zahun dan.”

Jeremias 31:12

Edhendiyè dan te Buvungan he Zion ne ed-ugyab sikandan tenged te kegkelipey. Egkelipey zan tenged te menge keupiyaanan he ibeǥey ku kandan–he iyan is uzar he trigu, binu, lana, wey menge uyaǥen. Egkeiring sikandan te pemuleey he layun ebinyaǥi, ne kenè dan en egkeseeng.

Jeremias 17:18

Peel-elezi nu wey pelihendeka nu is menge edtinguhà te kezeetan ku, ne kenà a mulà. Ipeseǥazi nu kandan is kezeetan su para mengezeeti sikandan is langun.

Isaias 41:19

Ibpetuvù ku ziyà te disirtu is menge kayu he sidru, ekasya, mirtu, ulibu, pinu, inibru, wey sipris,

Solomon 6:11

Midtupang a ziyà te pemuleey te kayu he almindru su ed-ahaan ku is beǥu he menge pinemula he nenuvù diyà te zal-ug, wey ed-ahaan ku ke neneringsing en be is menge paras wey ke nengevukad en be is menge pumigranata.

Salmo 45:8

Is bisti nu mehemut te pehemut he mira, aloe, wey kasia. Edlenganen ka te menge musikiru te menge gelemiten te kedtukar he ziyà te seled te turuǥan nu, ne haazà he turuǥan, mahal is indayandayan duen.

Genesis 13:10

Ne zutun mibpememantew si Lot ne neehè din he utew meupiya haazà is tanà he uvey te Suǥud he Jordan su mezakel is menge wahig dutun te zapit te inged he Zoar. Iring haazà te pemuleey te Eden sikan is pemuleey zengan te Nengazen wey iring daan te tanà he Ehipto. (Ne zutun he timpu wazè pa dèdeeti te Nengazen is menge inged he Sodom wey Gomora.)

Numero 24:5

Utew mekempet is menge tulda he ed-ubpaan te menge etew te Israel he menge kevuwazan ni Jacob.