Numero 23:15 - Manobo Western Bukidnon OT

¹⁵ Migkaǥi si Balaam diyà te ki Balak te, “Kayi ke zà te avey te pemuhat nu he edtutungen su ebpekidhinguma a mulà te Nengazen diyà te egkehunaan.”

Numero 23:15 Referans Kwoze

Numero 23:3

Ne migkaǥi si Balaam diyà te ki Balak te, “Hitindeg ka ziyà te avey te pemuhat nu he edtutungen su egenat a dèpa. Su kela ke mebpekidhingume kedì is Nengazen. Egkeǥiyen ku zà kenikew ke hengkey is egkeǥiyen din kayi te kedì.” Umbe midtekezeg sikandin diyà te mehiǥawan he vuvungan.

Numero 22:8

Ne migkaǥi si Balaam diyà te kandan te, “Kayi kew zà hizeǥà guntaan he kezukileman, ne egkeǥiyen ku ziyà te keniyu keeselem is egkeǥiyen te Nengazen kayi te kedì.” Umbe ziyà medhizeǥà haazà is menge pengulu te Moab.

Numero 23:14

Umbe, miduma ni Balak si Balaam diyà te sevaha he vevesukà diyà te Zofim, he ziyà te puntur te Pisga, ne zutun mibpevaal sikandan te pitu he pemuhatà ne nemuhat dan te pitu he tudu he vaka wey pitu he kerehidu, tigselimbaha ziyà te kada pemuhatà.

Numero 23:16

Ne nekidhinguma is Nengazen ki Balaam ne migkaǥi zin is ibpekaǥi zin ki Balaam. Ne migkeǥiyan din te, “Likù ka ziyà te ki Balak ne keǥiya nu heini he menge lalag.”

Josue 24:10

Piru wazè ku tuǥuti si Balaam te kebaal kayi ziyà te keniyu. Edrewakan kew zin pezem piru mibpepenubtuvazan ku sikiyu ki Balaam, ne midlibri ku sikiyu te kegkeiza pezem keniyu ni Balak.