Numero 18:23 - Manobo Western Bukidnon OT

²³ Is menge Levihanen, kandan he ketengdanan is menge vuluhaten diyà te Tulda he Edtelevukaayan, ne televaken dan is egkehimu zan he salà kayi te vuluhaten dan. Heini he sulunuzen kinahanglan he tumana niw taman te huziyan he lapis te menge kevuwazan. Is menge Levihanen ne wazà egkepengevilin dan he tanà te Israel.

Numero 18:23 Referans Kwoze

Numero 3:7

Ebpenilbi zan ki Aaron wey te langun he menge etew te Israel pinaaǥi te kebaal te menge vuluhaten diyà te Tulda he Ed-ezapan he egngezanan daan te Tulda he Edtelevukaayan.

Numero 18:20

Migkaǥi pa is Nengazen diyà te ki Aaron te, “Sikiyu is menge memumuhat, wazè niw egkepengevilin he tanà te Israel, su iyan a mismu ebeǥey te menge kinehenglanen niw.

Numero 18:1

Migkeǥiyan te Nengazen si Aaron te, “Sikew wey is menge anak nu he maama wey is menge kezuzumahi nu he ebpuun diyà te tribu ni Levi, keniyu he televaken is salà he egkeveelan niw zutun te kebpenilbi niw ziyà te Tulda he Edtelevukaayan. Piru iyan ke zà wey is menge anak nu is ebpekepenavak te salà he egkeveelan niw zutun te kegkememumuhat niw.

Exodus 27:21

Is selevukà te sulù, kinahanglan he idsavuk diyà te ǥawas te kurtina he ebpeketambun duen te Kavan te Kebpekid-uyun. Si Aaron wey is menge kevuwazan din iyan ed-etiman duen te menge sulù duen te Tulda he Edtelevukaayan. Ibpesiǥa zan heini ziyà te etuvangan ku meselem wey mezukilem. Heini he menge sulunuzen ereg he edtumanen te menge Israilihanen taman te huziyan he menge lapis te menge kevuwazan dan.

Numero 26:62

Is kahabet te maama he menge kevuwazan ni Levi he senge vulan pehendiyà te metikang is keǥurang dan ne 23,000. Wazà sikandan iragkes diyà te ketivuukan he vilang te menge Israilihanen su wazè man kandan he vahin duen te tanà he egkepengevilin te menge Israilihanen.

Ezekiel 44:10

“Mehitenged te menge kevuwazan ni Levi he mid-awà kayi te kedì su mibpekiduma te zuma he menge Israilihanen te ked-azap te menge ed-ezapen dan, ebpekaantus sikandan tenged te menge salè dan.

Numero 19:21

Heini he sulunuzen kinahanglan he edtumanen taman te taman. “Is etew he ebpirik te wahig he gelemiten te kedlumpiyu kinahanglan daan he ebpemìpì te visti zin, wey is minsan hentei he nekesamsam duen te wahig he gelemiten te kebpenlumpiyu ed-isipen he meremerik taman te egkesakep.

Numero 35:29

“Iyan heini menge sulunuzen he ereg he edtumanen niw taman te taman minsan hendei kew ed-ubpà.”

Deuteronomio 10:9

Iyan heini hinungdan ke maan is wazà mulà tanà he impepengevilin te menge kevuwazan ni Levi he nezawat mulà te zuma zan he menge Israilihanen. Iyan mismu kandan he kevilin is Nengazen sumalà is migkaǥi te Nengazen he Megbevayè niw.

Josue 13:14

Wazà beǥayi ni Moises is tribu ni Levi te tanà he egkepengevilin dan. Kekenà, iyan egkezawat dan is bahin te menge pemuhat pinaaǥi te hapuy he ibpemuhat diyà te Nengazen he Megbevayà te Israel, sumalà is migkaǥi zin diyà te ki Moises.