Numero 17:3 - Manobo Western Bukidnon OT

³ Diyà te tuked te tribu ni Levi, ne idsurat dutun is ngazan ni Aaron su kinahanglan he zuen sevaha he tuked te kada pengulu te tribu.

Numero 17:3 Referans Kwoze

Numero 18:7

Piru iyan ke zà wey is menge anak nu ebpekepenilbi pinaaǥi te kegkememumuhat, su iyan kew zà ebpekevaal te vuluhaten diyà te pemuhatà wey ziyà te Utew Segradu he Lugar. Gasa ku keniyu is kegkememumuhat niw. Is minsan hentei he ebaal kayi he kenà memumuhat ne edhimetayan.”

Numero 18:1

Migkeǥiyan te Nengazen si Aaron te, “Sikew wey is menge anak nu he maama wey is menge kezuzumahi nu he ebpuun diyà te tribu ni Levi, keniyu he televaken is salà he egkeveelan niw zutun te kebpenilbi niw ziyà te Tulda he Edtelevukaayan. Piru iyan ke zà wey is menge anak nu is ebpekepenavak te salà he egkeveelan niw zutun te kegkememumuhat niw.

Exodus 6:20

Mid-esawa ni Amram is etevey te amey zin he si Jokebed. Ne iyan menge anak dan he maama si Moises wey si Aaron. Is keluǥayad te untung ni Amram 137 he tuig.

Exodus 6:16

Sumalà is insurat he keguǥuza iyan heini menge ngazan te menge maama he menge anak ni Levi: si Gershon, si Kohat, wey si Merari. Is keluǥayad te untung ni Levi 137 he tuig.

Numero 17:2

“Keǥiyi nu is menge Israilihanen he mebeǥey te tuked diyà te kenikew is kada pengulu te tribu. Ne pesurati heini te kada ngazan dan. 12 langun he tuked.

Numero 17:4

Ne ziyà heini idsavuk is langun te Tulda he Edtelevukaayan, diyà te egkesineruwan duen te Kavan te Kebpekid-uyun he zutun a ebpekidhinguma keniyu ki Aaron.

Ezekiel 37:16

“Sikew is etew, kuwa ka te tinevì ne surati nu heini te, ‘Is ginhedian te Juda.’ Ne uman ke pa kuwa te sevaha pa he tinevì ne surati nu heini te, ‘Ginhedian te Israel.’

Numero 26:10

Piru mid-eveleng sikandan te tanà duma ki Kora, ne sikan 250 he sumusunud kandan nemematey pinaaǥi te hapuy. Heini he hitavù nehimu he petizaan diyà te menge Israilihanen.

Jeremias 42:20

Kenè iyan meupiya heini is ulaula niw! Midhengyuan a keniyu he medangep a ziyà te Nengazen para keniyu, ne migkaǥi kew pa he ebeelan niw is langun he egkeǥiyen din diyà te keniyu.