Numero 16:33 - Manobo Western Bukidnon OT

³³ Uuyag sikandan is langun he mid-eveleng te tanà duma is langun he azen dan. Nekedlikuey is tanà ne nahanew sikandan puun te kezekelan.

Numero 16:33 Referans Kwoze

Ezekiel 32:30

“Dutun daan is langun he menge upisyal te menge lugar he zapit te dizaya wey is menge tig-Sidon. Su hein uuyag pa sikandan mibpelinandek dan daan is menge etew ziyà te kandan. Gemhanan daan sikandan dengan, piru guntaan nibpeel-elzan sikandan wey nemekererey-as diyà te lugar te menge minatey zuma te wazà medtuu te Megbevayà he nemematey te tebek.

Ezekiel 32:18

“Sikew is etew, ikeseeng nu is menge meǥinged diyà te Ehipto wey is menge meǥinged diyà te zuma he mekeǥeǥehem he menge nasyun. Su idtimbag ku sikandan diyà te zizalem te tanà duma zuen te nemematey en.

Isaias 14:15

“Piru ziyè ka uwita te lugar te menge minatey he ziyà te kinezizeleman te vudsi.

Isaias 14:9

“Is lugar te menge minatey edtaǥad kenikew he egkeǥalew; nengandam en heini te kesinuǥung kenikew. Is menge ǥimukud te menge etew he menge gemhanan dengan kayi te kelibutan, utew egkegalew kenikew. Nemenhitindeg puun te pinuuwà is menge ǥimukud te menge hadì su edsinuǥungen ke zan.

Salmo 143:7

Segugunà a tevaka, Nengazen. Naawè en is perateng ku. Kenà a kenikew elesi su kela ke ibpatey ku.

Salmo 69:15

Kenè nu ituǥut he mebpatey a tenged te kegketembuni kedì te menge vaǥel.

Salmo 55:23

Piru is menge teremunù wey menge limbungan idtimbag din diyà te mezalem he lugar te menge minatey, dutun te kenè pa sikandan edliwezeenan. Piru siak mulà, edsarig a te Megbevayà.

Salmo 9:15

Nehitavù diyà te menge nasyun is mezaat he pelanu zan. Iring te iyan sikandan neulug diyà te vudsi he mibeelan dan, etawa iring te iyan sikandan nelitag te kandan he litag.

Numero 16:32

Ne mid-eveleng sikandan duma is pemilya zan te tanà, duma is langun he menge sumusunud ki Kora wey is langun he azen dan.

Numero 16:34

Is langun he menge Israilihanen he nekeliǥuy kandan mibpekeziyù hein nezineg dan is kulehian duen te menge etew, su neisip dan he kela ke elin sikandan evelenga te tanà.

Numero 26:11

Piru is menge anak ni Kora, wazà mulà mebpatey zutun he hitavù.

Deuteronomio 32:22

Su edriyubriyub is kepauk ku iring te hapuy. Ebpekevinsul heini te tanà wey te langun he abut kayi, wey te zizalem te tanà wey pundasyun te menge vuntud.

Salmo 55:15

Berakat he medtik-ew mebpematey is menge kuntada ku. Berakat he evelenga sikandan te penlevengà minsan uuyag dan pa. Su ziyà te kandan is kelelalung wey ziyè daan te menge ubpeey zan.

Salmo 141:7

Ne zutun egkaǥi zan te, “Ebpekedsusuwey en bes is menge tulan tew ziyà te edlevengan kenitew ne egkeiring heini te menge vatu he ebpemekeǥawas ke egkeeradu.”

Isaias 38:18

Ebmenmenuwen ku is kedalig kenikew emun minatey ad? Is menge minatey kenè en ebpekezalig kenikew wey kenè en ebpekeperateng te kebmetinumanen nu.

Ezekiel 31:14

Umbe puun guntaan, wazè en kayu he edlavew is ketawis din wey kerapung din te zuma he menge kayu, minsan wehiǥen pa is netuvuan din. Su egkepatey is langun he kayu iring te etew he ebpatey ne ebpehendiyà heini te dizalem te tanà.”

Numero 22:33

Naahà a te asnu nu ne midlikayan e zin te ketetelu. Emun wazà heini medlikey kediey, midhimetayan ku en pezem sikew ne kenè ku mulà edhimetayan is asnu nu.”

Salmo 55:16

Piru ebuyù a mulà te tavang diyà te Nengazen he Megbevayà ne edlibriyen e zin.