Numero 16:3 - Manobo Western Bukidnon OT

³ Midsevaha sikandan medhendiyà te ki Moises wey ki Aaron, he ke sikandan te, “Subre en heini is ebeelan niw kenami! Maan is ibpelavew niw is keugelingen niw kayi te mahabet he menge etew te Nengazen he mibpilì man pezem te Nengazen is tivuuk he menge Israilihanen he ebpenilbi kandin ne ebpekiduma zaan sikandin kayi?”

Numero 16:3 Referans Kwoze

Salmo 106:16

Diyà te kampu zan diyà te sibsivayan nesina sikandan ki Moises wey ki Aaron. Si Aaron mibpili he ebpenilbi te Nengazen.

Numero 14:14

Emun edèdeetan nu heini is menge etew nu, edtudtulen dan heini ziyà te menge meǥinged te Canaan. Ne heini is menge Canaanhen, nezineg dan en daan he iyan ka is Nengazen nekiduma te menge Israilihanen he mibpaahà pinaaǥi te ǥapun he egiya kandan. Edhuna ka kandan emun maandew pinaaǥi te ǥapun he henduen te tukud, ne emun mezukilem pinaaǥi te hapuy he henduen daan te tukud.

Exodus 19:6

piru egkehimu kew he ǥaked ku he pinilì he menge etew, ne egkehimu kew he ginhedian he ebpenilbi kediey pinaaǥi te kegkememumuhat niw.’ Iyan heini keǥiya nu ziyà te menge Israilihanen.”

Numero 16:7

ne sevuki niw heini te vaǥa wey beyewà, ne uwita niw ziyà te etuvangan te Nengazen. Ne egkeehè tew ke hentei is mibpilì te Nengazen he ebpenilbi kandin. Iyan kew is menge Levihanen, mibpesubra te ebeelan niw!”

Salmo 68:17

Nekeuma is Nengazen diyà te valey zin he ebpuun diyà te Sinai duma te linibu he menge kerwahi zin.

Ezra 9:2

Nemengesawa pa ganì sikandan wey is menge anak dan te menge vahi he ebpemuun keniyan he menge etew. Umbe is menge etew he pinilì te Megbevayà nesehuǥan te zuma he menge etew. Ne is menge pengulu tew wey menge upisyal iyan en nengulu te kebaal kayi.”

Numero 35:34

Umbe, kenè niw remeriki is tanà he ed-ubpaan niw. Su siak mismu is Nengazen, mibpekid-amur a keniyu te menge Israilihanen.”

Numero 16:11

Sikew wey is menge sumusunud kenikew, nekidsukulà te Nengazen ne kenà diyà te ki Aaron.”

Numero 5:3

Maama etawa vahi ne ipeǥawas niw sikandan su wey zan kenà meremeriki is kampu zan, he iyan ed-ubpaan ku duma keniyu.”

Numero 16:41

Ne sunud he andew, midriklamu en maan is tivuuk he keet-etawan te Israel ziyà te ki Moises wey ki Aaron. Ke sikandan te, “Mibpenhimetayan niw is menge etew te Nengazen.”

Numero 23:21

Wazè ku naahà he kezeetan etawa kelised he egkehitavù diyà te Israel. Mibpekiduma kandan is Nengazen he Megbevayè dan; egkilelaan dan sikandin he hadì dan.