Numero 16:15 - Manobo Western Bukidnon OT

¹⁵ Ne utew nepauk si Moises ne ke sikandin diyà te Nengazen te, “Kenè nu zewata is menge pemuhat dan. Wazà a mekesalà diyà te minsan hentei kandan; wazà minsan sevaha he asnu he migkuwa ku ziyà te kandan.”

Numero 16:15 Referans Kwoze

Numero 12:3

(Si Moises iyan etew he kenà mepelevawen te langun he menge etew te tivuuk he kelibutan.)

Exodus 32:19

Ne hein utew en si Moises ebpekeuvey zuen te kampu, neehè din en sikan is ed-ezapen he ledawan he tudu he vaka wey is menge etew he ebpemenayew, ne zutun utew sikandin nererengiti. Ne intimbag din duen te lugtenaan te vuntud sikan is uwiten din he memelumpipì he vatu ne nengetevì haazà.

Numero 16:16

Migkeǥiyan ni Moises si Kora te, “Keeselem, sikew wey is menge sumusunud nu, hendiyè kew te etuvangan te Nengazen diyà te Tulda he Edtelevukaayan, su edhendiyà daan si Aaron.

2 Samuel 22:22

Su edsunuzen ku is menge paaǥi nu, ne wazà a med-awà diyà te kenikew.

Erubasa 21:27

Kenà igkesuat te Nengazen is ibpemuhat te menge lalung, lavew en ke mezaat is tuyù dan te ked-ul-ulaha zan dutun.