Numero 14:43 - Manobo Western Bukidnon OT

⁴³ Emun ebpekidtebek keniyu is menge Canaanhen wey menge Amalikanhen ne ebpemematey kew; kenà ebpekiduma is Nengazen keniyu su inselikwey niw sikandin.”

Numero 14:43 Referans Kwoze

2 Cronica 15:2

Ne mibpekid-ahà sikandin ki Asa ne migkeǥiyan din te, “Pemineǥa a keniyu Hadì Asa, wey sikiyu is langun he tig-Juda wey tig-Benjamin. Is Nengazen ne kenà edsuwey keniyu emun kenè kew edsuwey kandin. Emun edangep kew kandin ne egkeehè niw is keupiya zin. Piru ke ed-iniyuǥan niw sikandin, ne ed-iniyuǥan kew zin daan.

Numero 14:25

Ne ǥuntaan, kenè kew en laus su zuen menge Canaanhen wey menge Amalikanhen he ebpen-ubpà diyà te menge suǥud, kekenà, likù kew en nasì keeselem diyà te sibisivayan he ziyà te zalan pehendiyà te Zaǥat he Meriǥà.”

Numero 13:29

Is menge Amalikanhen diyà ed-ubpà te Negev; is menge Hitihanen, menge Jebusihanen, wey is menge Amorihanen diyà ed-ubpà te menge vuvungan; ne is menge Canaanhen diyà ed-ubpà te veyvey te zaǥat wey veyvey te Wahig he Jordan.”

Hoseas 9:12

Minsan ebpekaanak sikandan, ne egkuwaan ku is langun he anak dan ne ebpekelalew kew. Mekehizuhizu kew emun ed-ewaan ku en sikiyu.

Isaias 63:10

Piru nekidsukulà sikandan, ne pinaaǥi zutun midhimu zan he meseeng is Waǥas he Mulin-ulin din. Umbe migkuntada sikandan te Nengazen, ne nehimu sikandin he kuntada zan.

1 Cronica 28:9

“Ne sikew, Solomon he anak ku, kilelaa nu wey silbiyi nu is Megbevayà te amey nu te tivuuk he ǥehinawa nu wey isip nu, su naahà te Nengazen is kada ǥehinawa wey netuenan din is tuyù tew wey ked-isip-isip tew. Emun ed-aput ka ziyà te kandin, ne edtevangan ke zin; piru emun ed-iniyug ka kandin ne ebeleǥazen ke zin te wazà pidtemanan.

Zatù 16:20

Mibensag si Delila te, “Samson, duen menge Filistihanen he nekeuma su edekepen ke zan.” Ked-enew ni Samson kunaan din ke ebpekaawà sikandin pinaaǥi te kebeeli zin te iring duen te nehuna he mibeelan din. Wazè din metueni he mid-ewaan en sikandin te Nengazen.

Deuteronomio 28:25

“Baal te Nengazen is kegkezeeǥa keniyu te menge kuntada niw. Edrapungrapung kew is edlusud kandan, piru ebpekedsusuwey kew is ebpemelaǥuy kandan. Ebpendemis keniyu is langun he ginhedian kayi te kelibutan.

Leviticus 26:17

Egkuntedahan ku sikiyu para mezaag kew te menge kuntada niw ne iyan sikandan edumala keniyu. Tenged te kegketeranta niw ne ebpelaǥuy kew minsan wazà edal-as keniyu.

Numero 14:42

Kenè kew ǥenat, su is Nengazen wazà mebpekiduma keniyu, ne egkezaag kew te menge kuntada niw.

Numero 14:44

Piru midhendiyà gihapun sikandan te menge vuvungan te Canaan minsan kenè dan duma si Moises wey sikan is Kavan te Kebpekid-uyun te Nengazen kandan.

Josue 7:12

Iyan heini hinungdan ke maan is kenè dan ebpekesukul te menge kuntada zan. Mibpeleǥuyan dan is menge kuntada zan, su edezeetan man daan sikandan he pemuhat kayi te kedì. Kenà ad ebpekiduma keniyu taman te kenè niw edezeetan heeyan is menge azen he para zà kediey.

Josue 22:15

Kebpekeuma zan diyà te Gilead, migkeǥiyan dan is tribu ni Reuben, ni Gad, wey is ketengà he tribu ni Manase te,

Salmo 44:10

Ketau nu is kegkepeleǥuwi zey te menge kuntada zey. Ne mibpenavan dan is menge azen dey.