Numero 14:40 - Manobo Western Bukidnon OT

⁴⁰ Ne hein sunud he andew midsayu sikandan med-enew su edtekezeg sikandan diyà te menge vuvungan te Canaan. Ke sikandan te, “Netuenan dey he nekesalè key, ne ǥuntaan andam key en he edhendiyà te lugar he insaad te Nengazen!”

Numero 14:40 Referans Kwoze

Deuteronomio 1:41

“Ne zutun migkaǥi kew te, ‘Nekesalè key ziyà te Nengazen. Egenat key su ebpekidtebek key sumalà is insuǥù kenami te Nengazen he Megbevayè dey.’ Umbe mid-andam te kada sevaha keniyu is menge ǥumaan din, su neisip niw he melemu zà is ked-aǥew zuen te menge vuvungan.

Megwewali 9:3

Iyan heini edhuna he kenà meupiya te langun he egkengeulaula kayi te kelibutan: neked-iring dà is egkepeveyaan te langun. Ne te kemulu pa uuyag is etew ne iyan ebpeketaǥù te isip din is mezaat wey tinulebung; ne te huziyan he timpu ebpatey sikandin iring te zuma.

Numero 15:30

“Piru sikan is midtivevà is kebaal zin te salà, Israilihanen man etawa kenà, ne midsumpalit e zin. Ne kinahanglan he kenè en sikandin egkilelaan he zuma niw.

Numero 22:34

Migkeǥiyan ni Balaam haazà is belinsuǥuen te Nengazen te, “Nekesalà a! Wazè ku metueni he midhitindeg ke ves keniyan te ked-alang kedì. Emun mezaat diyà te kenikew is ebeelan ku, ne ed-ulì ad.”

Deuteronomio 1:43

“Ne iyan haazà migkaǥi ku ziyà te keniyu, piru wazà a keniyu pemineǥa. Midsupak niw is suǥù te Nengazen, tenged te kebmepedeligen niw nenurung kew zuen te vuvungan.