Numero 11:22 - Manobo Western Bukidnon OT

²² Minsan edlepaan dey pa is langun he menge kerehidu wey menge vaka etawa edhingutelen dey is langun he isdà diyà te zaǥat ne kenè pa ereg kandan.”

Numero 11:22 Referans Kwoze

2 Hadì 7:2

Ne Migkaǥi haazà is upisyal he sineriǥan te hadì te, “Kenà heeyan egkehitavù, su minsan dekelà is menge sebpet su ibpeuzan te Nengazen, ne kenà iring keniyan keveratu is keenen.” Midtavak si Elisha te, “Egkeehè nu is kegkeul-ulaha kayi, piru kenè ka ebpekekaan duen te nekaǥi ku.”

Numero 11:13

Hendei a egkuwa te usa he para kayi he menge etew? Edtulung dan edriklamu kayi te kedì he veǥayi ku sikandan te usa he egkekaan dan.

Numero 11:21

Piru migkaǥi si Moises te, “600,000 langun is menge etew he zuma ku, ne ǥuntaan migkaǥi ka he ebeǥayan nu sikandan te usa he egkekaan dan seled te senge vulan?

Numero 11:23

Migkaǥi is Nengazen diyà te ki Moises te, “Duen be edtemanan te ǥehem ku? Egkeehè nu ǥuntaan ke egkeulaula ve is migkaǥi ku etawa kenà.”