Numero 11:16 - Manobo Western Bukidnon OT

¹⁶ Umbe, migkaǥi is Nengazen diyà te ki Moises te, “Tiǥuma nu is 70 he menge edumala te menge Israilihanen he nekilala nu he nengulu te menge etew, ne ipehendiyè nu sikandan te Tulda he Edtelevukaayan ne ipehitindeg nu sikandan dutun duma kenikew.

Numero 11:16 Referans Kwoze

Exodus 24:1

Ne migkeǥiyan te Nengazen si Moises te, “Tekezeg ka kayi te kediey ne zumaha nu si Aaron, si Nadab, si Abihu, is 70 he ebpemendumala te Israel. Ne ezapa e zan kayi, iyan, diyè dan dà te meziyù.

Exodus 24:9

Ne midtekezeg diyà te vuntud si Moises, si Aaron, si Nadab, wey si Abihu, wey sikan is 70 he ebpemendumala te Israel.

Deuteronomio 16:18

“Pilì kew te menge zatù wey menge upisyal te kada tribu niw ziyà te langun he inged he ibeǥey keniyu te Nengazen he Megbevayè niw. Ne heini sikandan emun ebpenhusey zan ne kinahanglan he wazà egkevintahaan.

Deuteronomio 1:15

Umbe, iyan impezumala ku keniyu is midhimu ku he menge zatù wey menge upisyal he uluwanen wey menge telehuzen he menge etew he ebpuun diyà te menge tribu niw. Duen impezumala ku te 1,000 he etew, ne is duma 100, ne is duma 50, ne is duma pa impezumala ku te 10 he etew.

Genesis 46:27

Is menge anak he maama ni Jose he in-anak diyà te Ehipto, ne zezuwa. Ne 70 is langun he menge kevuwazan ni Jacob dutun te timpu te kedseled dan diyà te Ehipto.

Ezekiel 8:11

Ne ziyà te egkesineruwan kayi edhithitindeg is 70 he menge edumala te Israel, ne is sevaha kandan iyan si Jaazania he anak ni Shafan. Is kada sevaha kandan egawed te teleǥuey te veyewà, ne edlipuwak is mekepal he evel te veyewà.

Exodus 4:29

Umbe midhendiyè dan is dezuwa, ne midtiǥum dan is langun he ebpemendumala te menge Israilihanen.

Deuteronomio 31:28

Tiǥuma niw ziyà te etuvangan ku is langun he ebpemendumala te menge tribu niw wey is langun he menge upisyal su wey ku mekaǥi ziyà te kandan heini. Ne ebpengum-umawen ku is langit wey is tanà su ibpetistiǥus ku kuntra kandan.

Exodus 18:25

Mibpilì sikandin te menge Israilihanen te menge etew he uluwanen he edhusey, ne midhimu zin sikandan he menge upisyal te grupu te menge etew he tig-1,000, tig-100, tig-50, wey tig-10.

Numero 11:24

Umbe, migenat si Moises ne migkeǥiyan din is menge etew zuen te migkaǥi kandin te Nengazen. Midtiǥum din sikan is 70 he menge perezumala ne impehitindeg din diyà te peliǥuy zuen te tulda.

Jeremias 19:1

Migkaǥi is Nengazen kayi te kedì te, “Pemasa ka te umuy ziyà te mendiziyun. Ne zumaha nu is menge edumala te menge etew wey menge edumala te menge memumuhat,

Numero 16:25

Ne mibeyaan ni Moises si Datan wey si Abiram, ne midtinundug kandin is menge perezumala te Israel.