Nehemias 3:3 - Manobo Western Bukidnon OT

³ Is mibangun te Pultahan te menge Isdà iyan is menge anak ni Hasenaa. Midsevukan dan heini te menge velavag, ne zutun dan itaud is menge lekeb, ne mibeelan dan te menge trangka.

Nehemias 3:3 Referans Kwoze

Nehemias 12:39

Ne puun dutun midlaus key ne mibayè key ziyà te Pultahan ni Efraim, diyà te Zaan he Pultahan, diyà te Pultahan te menge Isdà, diyà te Turi ni Hananel, wey ziyà te Turi te Nenggatus. Ne zutun mibayè key ziyà te Pultahan te menge Kerehidu ne mibpundu key ziyà te Pultahan te Bantey.

2 Cronica 33:14

Ne puun dutun, mibpepurungan ni Manase sikan is berengbeng diyà te gawas dutun te Inged ni David, puun te zapit te edsenlepan te serebseb diyà te Gihon he ziyà te zal-ug taman te Pultahan te menge Isdà, ne impevulegkù heini ziyà te menge mibuntud-buntud he egngezanan te Ofel. Mid-umanan din daan is ketikang kayi. Ne mibpepelestaran din te menge peremandar is langun he vinerengbeng he menge inged te Juda.

Zefanias 1:10

Migkaǥi is Nengazen te, “Zutun he andew egkezineg is kulehian te ebpekitavang diyà te pultahan he migngezanan te Pultahan te menge Isdà diyà te inged he Jerusalem wey is lendag diyà te veǥu he vahin kayi he inged. Egkezineg daan is dekelà he keǥurub te egkengerundus he menge valey ziyà te menge vuvungan.

Nehemias 2:8

Emun egkehimu beǥayi a zaan te surat he igkeveǥey ku ki Asaf, te ebantey te ketelunan nu, su para veǥayi e zin te menge kayu he egemiten te kebaal te pultahan te melig-en he kutà diyà te avey te valey te Nengazen, wey kebangun te verengbeng te inged, wey para te valey he ed-ubpaan ku.” Intuǥut te hadì haazà is menge hangyù ku su mibpurungan a te Megbevayà.

Nehemias 7:1

Hein nepasad en is berengbeng te inged, wey ingkepenaud en is menge lekeb te menge pultahan kayi, mibpilì is edhimuwen he menge vantey te menge ǥemawan te valey te Nengazen, menge perekanta kayi, wey menge Levihanen.

Nehemias 6:1

Hein nezineg ni Sanbalat, ni Tobia, ni Geshem he Arabo, wey te zuma pa he menge kuntada zey he nepasad dey en is kebangun te verengbeng ne wazè en kayi menge vudsi, su iyan dà wazà iketaud is menge lekeb te menge pultahan.

Nehemias 3:6

Is mibangun te Zaan he Pultahan iyan si Joyada he anak ni Pasea wey si Meshulam he anak ni Besodea. Midsevukan dan heini te menge velavag, ne zutun dan itaud is menge lekeb, ne mibeelan dan te menge trangka.

Nehemias 3:4

Is mibangun te sunud he vahin duen te verengbeng iyan si Meremot he anak ni Uria wey apù ni Hakoz. Ne is sunud kandan iyan si Meshulam he anak ni Berekia wey apù ni Meshezabel. Ne is nekesunud pa iyan si Zadok he anak ni Baana.

Salmo 147:13

Su midlig-enan din is menge pultahan te inged niw. Ne midtuvazan kew zin.