Nahum 3:9 - Manobo Western Bukidnon OT

⁹ Is Etiopia wey is tivuuk he Ehipto, iyan nehimu he zesen te Tebes, ne kunaan din ke ebpedayun heini taman te taman. Is Put wey is Libya, kezapig din heini he menge nasyun.

Nahum 3:9 Referans Kwoze

Ezekiel 30:5

Kayi he tebek, ebpematey is menge tig-Etiopia, tig-Put, tig-Lydia, tig-Arabia, tig-Libya, wey is diyà te zuma he menge nasyun he nekidsevaha te Ehipto.

Ezekiel 27:10

Ne menge tig-Persia, tig-Lydia, wey tig-Put is menge sundaru nu. Insanggat dan is menge kelasag dan wey menge hilmit dan diyà te elavat nu, ne nekeveǥey heini kenikew te zengeg.

Ezekiel 38:5

Eduma ziyà te kandan is menge sundaru ziyà te Persia, Cush, wey Put, he zuen dan menge kelasag wey menge hilmit,

Jeremias 46:9

“Sigi en, menge tig-Ehipto, ipepelelaǥuy niw en is menge kudè niw wey menge kerwahi! Surung kew en ragkes is langun he kezapig niw he ebpemuun diyà te Etiopia, Libya, wey Lydia, he menge mahagtì he egamit te kelasag wey panà.

Isaias 20:5

Is menge midsarig te Etiopia wey is ebantug te Ehipto egkengeheratan wey egkengepeel-elezan.

2 Cronica 12:3

Nenurung si Shishak duma te 1,200 he kerwahi, 60,000 he menge pereuntud te kudà, wey utew mahabet he menge sundaru, he is duma kandan ebpuun diyà te Libya, Sukot, wey Etiopia.

Genesis 10:6

Is menge anak ni Ham he menge maama: si Cush, Mizraim, Put, wey si Canaan.

1 Cronica 1:8

Is menge anak ni Ham he menge maama: si Cush, Mizraim, Put, wey si Canaan.

2 Cronica 16:8

Egketenuzan nu ve ke hengkey is neulaula te menge tig-Etiopia wey tig-Libya, he is menge sundaru zan, menge kerwahi zan wey menge pereuntud dan te menge kudà he utew mezakel? Dutun he timpu ne midsarig ka te Nengazen, ne impezaag din sikandan keniyu.

Ezekiel 31:2

“Sikew is etew, keǥiya nu heini ziyà te Faraon he hadì te Ehipto, wey te menge etew zin: “Hentei is egkepetug-iringan ku te kegkemekeǥeǥehem nu?

Daniel 11:43

Egkaangken din is menge vulawan, menge pelata, wey is langun he azen diyà te Ehipto. Ragkes te edsekupen din is Libya wey Etiopia.

Ezekiel 29:7

Dutun te kegewezi zan kenikew nevagbag ka, ne nepelian sikandan diyà te menge vekelawan. Ne hein midtelumbeǥat dan diyà te kenikew ne nevadtì ka ne nepiley zan ne nelepù is tulan te seǥang dan.