Nahum 1:5 - Manobo Western Bukidnon OT

⁵ Diyà te etuvangan din egkehuyung is kelibutan, ragkes is menge vuvungan, wey ragkes he egkerkeren is menge etew kayi te kelibutan.

Nahum 1:5 Referans Kwoze

Micas 1:4

Egketunew is menge vuntud he egkeǥiekan din iring te kendilà he egketunew te hapuy, ne egkeǥadgad is menge suǥud he egkeǥiekan din iring te ebeyaan te wahig he edtudà diyà te kelendiǥan.

Jeremias 4:24

Neehè ku is menge vuntud wey menge vuvungan he nengehuyung.

2 Samuel 22:8

Ne zutun ne midlinug, ne minsan is menge pundasyun te menge vuvungan ne neyunggat, tenged te kegkepauk nu, Nengazen.

Habakuk 3:10

Is menge vuntud henduen be te menge etew he egkerkeren emun egkeehè ke zan. Mid-uzan te mereǥes, mideǥurus is wahig diyà te zaǥat ne midekelà is menge vaǥel.

Salmo 68:8

nehuyung is tanà wey mid-uzan su geina te nekeuma ka, is Megbevayà te Israel. Impezayag nu is keugelingen nu ziyà te Sinai.

Zatù 5:5

Nehuyung is menge vuntud diyà te etuvangan nu, Nengazen. Iyan ka kes Megbevayà te Israel, ne impezayag nu is keugelingen nu ziyà te Buntud he Sinai.

Salmo 114:6

Maan is neyunggat is menge vuntud wey is menge vuvungan he henduen be te ebpemenlinglingketew he menge kambing wey menge kerehidu?

Salmo 114:4

Neyunggat is menge vuntud wey menge vuvungan he henduen be te ebpemenlinglingketew he menge kambing wey menge kerehidu.

Salmo 98:7

Medlipey is kelibutan wey is langun he ed-ubpà kayi, ragkes en is daǥat wey is langun he netaǥù kayi.

Salmo 46:6

Egkengeheratan is menge nasyun; egkengehuyung is menge ginhedian. Tenged te kulehian te Megbevayà henduen be te egketunew en te kegkahandek is menge etew kayi te tivuuk he kelibutan.

Exodus 19:18

Ne neselikuvungan te evel haazà is Buntud he Sinai su mibulus is Nengazen dutun pinaaǥi te hapuy. Midlipuwak is evel zutun he iring te evel te utew zekelà he rapug, ne nehuyung haazà is tivuuk he vuntud,

Salmo 18:7

Ne zutun ne midlinug, ne minsan is menge pundasyun te menge vuvungan ne neyunggat, tenged te kegkepauk nu, Nengazen.

Isaias 5:25

Umbe tenged te utew kegkepeuki keniyu te Nengazen te menge etew zin, ne edsilutan kew zin. Egkehuyung is menge vuvungan ne ebpekepeyapat kew ziyà te kersada is ebpemematey he egkeiring te menge vesura. Ne minsan pa zutun kenè pa egkaawà is pauk te Nengazen. Andam pa ǥihapun sikandin he edsilut keniyu.

Isaias 24:1

Pemineg kew! Edezeetan te Nengazen is kelibutan taman te kenè en heini egkepulusan, ibpeyapat din is menge meǥinged kayi.

Isaias 24:20

Ebpekeziregdireg heini iring te egkelangut. Egkehuyung heini he iring te lawig he egkesuǥat te keramag. Egkeveǥatan heini tenged te salà, ne egkezeetan ne kenè en ebpekeuman ebpekeenew.

Joel 2:10

Egkehuyung is kelibutan wey is langit dutun te kebpekeuma zan. Ebmerusirem is andew wey is bulan ne kenè en edsiǥa is menge vituen.

Zacarias 4:7

Minsan iring pa kezekelà te vuntud is menge velavag he ed-etuvangen nu, ne egkepanhey heeyan. Egkepasad iyan is baley ku, ne zutun te kebpelestara te ketepusan he vatu he egkeǥamit kayi, igkulahì te menge etew is lalag te, ‘Nengazen, penubtuvazi nu heini!’ ”

Malakias 4:1

Migkaǥi is Nengazen he Mekeǥeǥehem, “Siguradu iyan he egkehitavù is kegkeuma te andew te Nengazen he Mekeǥeǥehem. Ne iring is kegkehitevùa kayi te rapug he egkiràkirà. Is langun he mepelevawen wey menge lalung, ne egkeiring sikandan te ebinsulan he kayu he wazà egkesamà he subpang wey zalid.

Job 9:5

“Kenè en sikandin ebpetizaan, ne edhuyungen din is menge vuntud ne egkengetempag heini tenged te pauk din.

Job 26:11

Emun edawey sikandin egkengehuyung is menge tukud te langit.

Salmo 18:8

Migawas is evel puun te izung nu, ne ziyà te vèbè nu migawas is mekahandekhandek he hapuy wey egkeregreg he menge vaǥa.

Salmo 104:32

Emun edtengtengan nu is kelibutan, ne egkehuyung heini. Ne emun edsemsamen nu is buntud, ne ed-evel heini.

Jeremias 10:10

Piru iyan is Nengazen tutuu he Megbevayà. Iyan sikandin uuyag he Megbevayà ne Hadì sikandin te wazà pidtemanan. Emun egkepauk sikandin, egkehuyung is kelibutan ne ed-eles is diyà te menge nasyun.

Ezekiel 38:20

Ne zutun is langun he menge etew wey is langun he menge langgam: is ebpemenhipanew, is ebpemenlayang, is ebpemenanap, wey is diyà ebpen-ubpà te wahig ebpengerkeren te kegkahandek diyà te etuvangan ku. Egkengetempag is menge vuvungan wey menge kelendiǥan, wey egkengevengkag is menge verengbeng.

Amos 9:5

Emun egkeviten te Nengazen he MEGBEVAYÀ he Mekeǥeǥehem is tanà, egkehuyung heini ne is langun he menge meǥinged kayi ne ebpemekesineǥew. Is kegkehuyung kayi iring te kedlapey wey kegkemezahi te Wahig he Nilo ziyà te Ehipto.