Nahum 1:11 - Manobo Western Bukidnon OT

¹¹ Is sevaha te menge pengulu niw ne mibpelanu te mezaat he idezaat din te menge etew te Nengazen. Mezaat is insambag din.

Nahum 1:11 Referans Kwoze

Nahum 1:9

Sikiyu is menge tig-Asiria, ke hengkey is mezaat he pelanu niw ziyà te menge etew te Nengazen, ne id-awà heeyan te Nengazen, ne kenè ne heeyan egkeuman-uman.

2 Cronica 13:7

Miduma kenikew is engey wey wazà pulus he menge etew, ne nekidsukulè kew ki Rehoboam he anak ni Solomon dutun te vatè pa si Rehoboam wey wazè din pa neseǥazan ne kenè pa ebpekehimu he edsukul keniyu.

2 Hadì 18:30

Kenè kew petuntu kandin mehitenged te kedsarig te Nengazen, emun egkaǥi sikandin te, ‘Siguradu he edlibriyen kiw te Nengazen; heini is inged tew, kenè din ibeǥey ziyà te hadì te Asiria.’

2 Samuel 20:1

Duen sevaha he etew he tig-Benjamin he layun dà ebpen-ahà te samuk. Iyan ngazan din si Sheba, he anak ni Bicri. Impezaǥing din is budyung ne ebpengulahì te, “Menge tig-Israel, wazè tew lavet ki David he anak ni Jesse! Ebpen-ulì kiw is langun!”

1 Samuel 2:12

Is dezuwa he menge anak ni Eli menge tulebung he menge etew. Wazè dan medtuman te suǥù kandan te Nengazen.

Ezekiel 11:2

Migkaǥi is Nengazen kayi te kedì te, “Sikew is etew, iyan heini sikandan mibpelanu te mezaat wey mibeǥey kayi te inged te kenà meupiya he sambag.

Micas 2:1

Kehizu niw te egkepurang he ebpelanu te mezaat. Ne kegkemeselem ebeelan niw is mezaat he pelanu niw su egkehimu niw is kebaal kayi.