Leviticus 8:9 - Manobo Western Bukidnon OT

⁹ Ne impesuup din diyà te ulu ni Aaron is tengkulu, ne impikit din diyà te sineruwan dutun te tengkulu is bulawan he simbulu he mibpilì si Aaron he para te Nengazen. Mibeelan ni Moises heini is langun sumalà te insuǥù kandin te Nengazen.

Leviticus 8:9 Referans Kwoze

Zacarias 3:5

Ne migkaǥi a te, “Suupi niw zaan te lumpiyu he tengkulu is ulu zin.” Umbe mibpesul-uvan dan sikandin te visti wey lumpiyu he tengkulu dutun te edhithitindeg is belinsuǥuen te Nengazen he ebantey.

Exodus 29:6

Tengkuluwi nu sikandin ne ipikit nu zutun sikan is midalya he vulawan he tuus he impehinungud sikandin he para te Nengazen.

Exodus 28:4

Ne iyan heini menge visti he ebeelan para kandin: is teleǥuey ziyà te kumeng, ipud, pendivavew he visti, pendizalem he visti he binurdahan, tengkulu, wey vagkes. Kinahanglan he ebaal zan te menge visti he para ki Aaron wey para te menge anak din he maama, su para mekepenilbi sikandan kedì pinaaǥi te kebpemuhat.

Exodus 40:16

Ne mibeelan ni Moises haazà is langun he insuǥù te Nengazen kandin.

Leviticus 8:36

Umbe, midtuman ni Aaron wey te menge anak din is langun he insuǥù te Nengazen pinaaǥi ki Moises.