Josue 8:10 - Manobo Western Bukidnon OT

¹⁰ Ne hein nepawà, midsayu med-enew si Josue ne midtiǥum din is menge etew zin. Ne iyan sikandin wey is menge pengulu te Israel nengegalen te menge etew te kedhendiyà te Ai.

Josue 8:10 Referans Kwoze

Salmo 119:60

Ne seǥuǥunè ku midtuman is menge suǥù nu.

Josue 7:16

Ne hein meselem en, ne impesayu en ni Josue te ebpeuvey ziyà te Nengazen is kada tribu te Israel. Ne is intezù he nekesalà iyan is tribu ni Juda.

Josue 6:12

Ne kegkemeselem, utew midsayu med-enew si Josue. Ne mid-uwit en maan duen te menge memumuhat sikan is Kavan te Kebpekid-uyun te Nengazen,

Josue 3:1

Utew midsayu med-enew si Josue wey is menge Israilihanen. Mid-awè dan diyà te Shitim ne midhendiyè dan te Wahig he Jordan. Migkampu zan dèpa zutun, te wazè pa sikandan medlayun.

Genesis 22:3

Umbe, zutun te utew pa meselem te sunud he andew, midselem med-enew si Abraham ne midsilyahan din is asnu zin. Mibpengayu pa sikandin te idtavun dutun te pemuhat he edtutungen ne miduma zin is dezuwa he suluǥuen din wey is anak din he si Isaac ne migenat dan pehendiyà te vuvungan he migkaǥi te Megbevayà.

Josue 8:9

Ne impeǥenat sikandan ni Josue, ne mid-eles dan diyà te zapit te edsenlepan emun dutun ki te Ai, diyà te pid-elangan te Ai wey Betel. Ne zutun he kezukileman wazè pa si Josue med-awà diyà te kampu zan duma te menge etew.

Josue 8:11

Ne nekeuma zan diyà te sevaha he lugar he egkesineruwan te pultahan dutun te inged he Ai, ne mibangun sikandan te menge tulda ziyà te egkezivavà kayi. Ne zuen suǥud-suǥud diyà te pid-elangan kayi wey Ai.