Josue 19:41 - Manobo Western Bukidnon OT

⁴¹ Iyan heini menge inged he nesakup dan: Zora, Eshtaol, Ir Shemesh,

Josue 19:41 Referans Kwoze

2 Cronica 11:10

Zora, Ayalon, wey Hebron. Iyan heini vinerengbeng he menge inged diyà te Juda wey Benjamin.

1 Cronica 2:53

wey is menge kezuzumahi ni Kiriat Jearim ne iyan is Itranen, Puthanen, Shumatnen, wey Mishranen. Iyan heini mibpuunan te menge Zoratnen, wey Eshtaulinen.

Zatù 18:2

Umbe, mibpilì is menge kevuwazan ni Dan te lelima he memevurut he menge maama ziyà te tribu zan he iyan ebpen-ahà te egkeubpaan dan. Heini is lelima he maama ebpuun diyà te inged he Zora wey Eshtaol. Ne hein midhipanew zan en is ebpen-ahà te lugar, nekeuma zan diyà te valey ni Micas diyà te vuvungan te Efraim, ne zutun sikandan medlipezeng.

Zatù 16:31

Midhendiyà te Gaza is menge suled ni Samson wey menge kezuzumahi zin, ne migkuwa zan is lawa zin, ne inleveng dan diyà te midlevengan te amey zin he si Manoa ziyà te pid-elangan te Zora wey Eshtaol. Mibpenguluwan ni Samson is Israel seled te 20 he tuig.

Zatù 13:25

Is Mulin-ulin te Nengazen mibpuun med-ulin kandin hein diyà sikandin te Mahane Dan, he ziyà te pid-elangan te Zora wey Eshtaol.

Zatù 13:2

Dutun he timpu zuen sevaha he maama he iyan ngazan din si Manoa he sakup te tribu ni Dan, ne ziyà sikandin ed-ubpà te Zora. Ne kenà ed-anak is esawa zin.

Josue 15:33

Is menge inged diyà te menge mibuntud-buntud diyà te edsenlepan iyan is: Eshtaol, Zora, Ashna,

Josue 19:40

Is ikepitu he mibehinan te tanà pinaaǥi te kedripa iyan is menge pemilya te tribu ni Dan.

Josue 19:42

Shaalabin, Ayalon, Itla,