Josue 18:3 - Manobo Western Bukidnon OT

³ Umbe, migkaǥi si Josue ziyà te menge Israilihanen te, “Keenu niw pe bes ed-engkena is tanà he imbeǥey keniyu te Nengazen he Megbevayà te menge kepuun niw?

Josue 18:3 Referans Kwoze

Erubasa 13:4

Emun peǥulen is sevaha he etew, duen pezem egkesuatan din, ne kenè din egkekuwa heini, piru emun meǥied sikandin, egkekuwa zin is subra pa te egkesuatan din.

Zatù 18:9

Migkaǥi zan te, “Nekeehè key te utew meupiya he lugar. Umbe kenè kiw en edlanganlangan. Edsurungen tew is menge meǥinged dutun su wey tew maangken haazà he tanà.

Erubasa 15:19

Layun edlised is etew he tepulan, iyan, is etew he metandang is ulaula zin, kenà mulà edlised.

Erubasa 10:4

Is kepepeǥul te etew egkehimu he iyan hinungdan te kegkeey-eyuwi zin. Ne is keǥied te etew egkehimu he iyan hinungdan te kebpekaangken din te zekelà he ketiǥeyunan.

Zefanias 3:16

“Dutun he andew egkaǥi is menge etew ziyà te keniyu te menge tig-Jerusalem, ‘Sikiyu is menge meǥinged diyà te Zion, kenè kew mahandek; kenè kew mebpenluyaluya.

Megwewali 9:10

Beeli nu is minsan hengkey he ebeelan nu he egkehimu nu, su ziyà te ubpaan te menge minatey, he zutun is egkepengkusan nu, ne wazè en ketau etawa keuluwanen.

Josue 18:2

Duen pa pitu he tribu te menge Israilihanen he wazè pa meveǥayi te kandan he vahin duen te tanà.

Josue 18:4

Pilì kew te tigtetelu he etew ziyà te kada tribu niw. Ibpesusi ku kandan is tivuuk he tanà su para mesevuki zan te tuus is egkesuatan dan te ed-angken. Ne edlikù sikandan kayi te kediey he ed-uwit te vineelan dan he mapa he egkeehè ta zutun ke ebmenmenuwen heini te kebahin.

Josue 1:6

Mebpekelig-en ka wey mebpekevurut ka, su iyan ka ebpengulu kayi te menge etew te ked-angken duen te tanà he impenaad ku ziyà te menge kepuun dan.

Josue 13:1

Hein utew en meǥurang si Josue, migkaǥi is Nengazen diyà te kandin te, “Meǥurang ke en utew, ne mahabet pa he menge tanà is kinahanglan he ed-eǥawen.