Josue 15:8 - Manobo Western Bukidnon OT

⁸ Puun dutun mibpehendiyà heini te Suǥud-suǥud te Ben Hinom he ebpekevayà diyà te menge kelendiǥan diyà te zivavà taman te inged te menge Jebusihanen. (Heini he inged iyan is Jerusalem.) Ne mibpetekezeg heini pehendiyà te puntur te vuntud he zapit te edsenlepan he Suǥud-suǥud te Ben Hinom, diyà te purù te egkezizaya te Suǥud he Refaim.

Josue 15:8 Referans Kwoze

Josue 18:16

Mibpetupang heini ziyà te lugtenaan te vuntud he zehipag te Suǥud-suǥud he Ben Hinom he ziyà te zizaya he vahin te Suǥud he Refaim. Midlaus heini ziyà te Suǥud-suǥud he Ben Hinom, nekeikul te zivavà he kelendiǥan te inged te menge Jebusihanen, pelaus diyà te En Rogel.

Josue 15:63

Piru wazà mesegseg te tribu ni Juda is menge Jebusihanen he meǥinged diyà te Jerusalem. Umbe taman en guntaan kemulu pa sikandan ebpemen-ubpà dutun duma te tribu ni Juda.

Zatù 19:10

Iyan, wazè en human mebpemineg haazà is Levihanen, kekenà, migenat sikandin duma te esawa zin he mid-untud te zezuwa he asnu. Utew en mahapun hein nekeuma sikandan diyà te Jebus (he iyan is Jerusalem). Umbe migkaǥi sikan is suluǥuen duen te Levihanen te, “Deyzey vuwa ke kayi kiw zà edhizeǥà te inged te menge Jebusihanen.”

Josue 18:28

Zela, Ha Elef, Jebus (he iyan Jerusalem), Gibea, wey Kiriat Jearim: ne 14 langun he inged, ne ebpekeuman pa kayi is dezeisey he menge lugar ziyà te peliǥuy kayi he menge inged. Iyan heini nepengevilin te tribu ni Benjamin he mibahin diyà te kada pemilya zan.

2 Hadì 23:10

Midremerikan daan ni Josia is pemuhatà diyà te Tofet, he ziyà te Suǥud-suǥud te Ben Hinom, su para wazà ebpekepemuhat te anak din dutun diyà te ki Molec pinaaǥi te hapuy.

Zatù 1:21

Piru wazà mulà mesegseg te menge kevuwazan ni Benjamin is menge Jebusihanen he menge meǥinged diyà te Jerusalem. Umbe taman en guntaan kemulu ebpemen-ubpà diyà te Jerusalem is menge Jebusihanen duma te menge kevuwazan ni Benjamin.

Jeremias 19:14

Ne mid-awà si Jeremias diyà te Tofet, he zutun din keǥiya is menge lalag te Nengazen, ne midhendiyà te lama zuen te valey te Nengazen ne migkeǥiyan din is menge etew te,

Jeremias 19:6

Umbe, pengandam kew, su iyan a, is Nengazen migkaǥi te egkeuma is timpu he heini he lugar kenè en maan egngezanan te menge etew te Tofet etawa Suǥud-suǥud he Ben Hinom, kekenà, egngezanan dan te Suǥud-suǥud he Lepeey.

Jeremias 19:2

ne hendiyè kew te Suǥud-suǥud he Ben Hinom, he uvey te Pultahan te Ibpehendiyà te Timbaǥà te Egkengeǥevà he menge Ziniyun. Ne tudtula nu zutun is migkaǥi ku ziyà te kenikew.

Isaias 17:5

Egkeiring is Israel te pemuleey he is menge pungu zuen midlegtey en te ebpemenraǥun, iring te pemuleey ziyà te Suǥud he Refaim he netevasan.

2 Cronica 28:3

Midtutung sikandin te menge pemuhat diyà te Suǥud-suǥud te Ben Hinom, ne minsan is anak din impemuhat din diyà te hapuy. Mid-iringan din is utew mezaat he menge vaal te menge etew ziyà te menge nasyun he impesegseg te Nengazen te menge Israilihanen.

2 Samuel 5:22

Midlikuan te menge Filistihanen haazà is Suǥud he Refaim ne migkampu zan dutun.

2 Samuel 5:18

Dutun, migkampu is menge Filistihanen diyà te menge Suǥud he Refaim.

Zatù 1:8

Midsurung te menge kevuwazan ni Juda is Jerusalem ne naaǥew zan heini. Migerè dan is menge meǥinged dutun ne mibinsulan dan haazà is inged.

1 Cronica 11:4

Duen timpu he migenat si David wey is menge Israilihanen su edsurungen dan is Jerusalem (he egngezanan dengan te Jebus) is menge Jebusihanen he zutun mekeubpà

Nehemias 11:30

Zanoa, Adulam, wey ziyà te menge inged he nekeliǥuy kayi he menge inged. Is duma pa kandan diyè med-ubpà te Lakish wey ziyà te uvey he menge vevesukà, wey ziyà te Azeka, wey ziyà te menge inged peliǥuy kayi. Umbe is neperenrenakan te neubpaan te menge etew ziyà te Juda ne puun te Beersheba taman te Suǥud-suǥud te Hinom.