Josue 1:8 - Manobo Western Bukidnon OT

⁸ Kenè nu lipati te ebasa is Libru te Kesuǥuan. Ne purungi nu ngunngunua maandew wey mezukilem su para metueni nu ke ebmenmenuwen te edtuman is langun he ingkesurat kayi. Su pinaaǥi kayi ebmeuswaǥen ka wey ebmelempusen.

Josue 1:8 Referans Kwoze

Salmo 119:15

Egngunngunuen ku is menge sulunuzen he ibpesunud nu, ne ebpurungan ku ed-is-isipa is menge paaǥi nu.

Salmo 19:14

Sikew, Nengazen, is eputè ku, wey mibelukas kedì, berakat he ebpekepenunuat kenikew is menge lalag he egkengekaǥi ku wey egkeisip ku.

Erubasa 3:1

Mama, kenè nu lipati is menge penurù ku kenikew; tipiǥi nu ziyà te gehinawa nu is menge suǥù ku,

Deuteronomio 29:9

“Umbe purungi niw te edtuman is ibpetuman keniyu kayi te kebpekid-uyun keniyu, su para mebmeuswaǥen kew ziyà te langun he ebeelan niw.

Salmo 119:11

Edtipiǥan ku kayi te ǥehinawa ku is menge lalag nu, su wey a kenà mekesalà diyà te kenikew.

Salmo 119:97

Utew zekelà kayi te ǥehinawa ku is kesuǥuan nu; layun ku heini egngunngunua.

Josue 1:7

Basta mebpekelig-en ka wey mebpekevurut ka utew. Purungi nu sunuza is langun he kesuǥuan he imbeǥey kenikew ni Moises te suluǥuen ku. Kenè nu heini engkezi, su para medlampus ka te langun he ebeelan nu.

Deuteronomio 30:14

Heini he menge lalag diyà te keniyu, diyà mismu te vèbè niw wey ǥehinawa niw, umbe egkehimu niw heini te edtuman.

Deuteronomio 5:29

Ne zeyzey ke layun dan edtahud kedì wey edtumanen dan is menge suǥù ku su para mebmeupiya is kebpekesavuk dan wey te menge kevuwazan dan te taman te taman.

Salmo 119:99

Mahabet pa is kedì he nesavut, kenà te menge menunudlù ku, su is menge penurù nu iyan ebpurungan ku ed-is-isipa.

Isaias 59:21

Ne iyan heini kebpekid-uyun ku keniyu: Kenà egkaawà is Mulin-ulin ku he ziyà te keniyu wey is menge lalag he migkaǥi ku keniyu. Tudtula niw heini ziyà te menge anak niw, ne edtudtulen dan daan heini ziyà te kandan he menge anak, ne ebpedayun heini pehendiyà te huziyan he menge lapis te kevuwazan. Iyan a, is Nengazen, is migkaǥi kayi.”

Deuteronomio 5:32

“Umbe purungi niw te edtuman is inmandù te Nengazen he Megbevayè niw keniyu. Kenè niw supaka is minsan sevaha zà duen te menge suǥù din.

Deuteronomio 31:11

besaha niw heini he menge suǥù diyà te langun he menge Israilihanen emun edtiǥum en sikandan diyà te etuvangan te Nengazen he Megbevayè niw ziyà te lugar he ebpilien din.

Salmo 40:10

Is kedlibriya nu kediey wazè ku ziyè dà tipiǥi te ǥehinawa ku, kekenà, ibpenudtul ku zaan he metinumanen ka wey edluwas ka. Ne wazè ku ieles is gaǥew nu wey ketutuanan diyà te ketiǥuman dey te menge etew nu.

Genesis 24:63

Duen timpu zutun ne malù en merusirem, migawas sikandin te valey ne midriǥuriǥu. Duen nepantew zin he kemilyu he ebpelingguma.

Deuteronomio 31:24

Ne hein nepasad ni Moises is kedsurat duen te langun he menge suǥù diyà te libru,

Josue 8:34

Ne zutun mibasa ni Josue sikan is libru te kesuǥuan, ragkes en sikan is menge penuvadtuvad wey menge rawak he ingkesurat kayi.

Deuteronomio 5:1

Impaamur-amur ni Moises is langun he menge kevuwazan ni Israel ne migkeǥiyan din te, “Sikiyu is menge Israilihanen, pemineǥa niw is menge suǥù wey menge sulunuzen he ibeǥey ku keniyu ǥuntaan. Istudyuwi niw heini ne sunuza niw.

Deuteronomio 29:8

Mid-aǥew tew is tanè dan ne imbeǥey haazà diyà te menge tribu ni Reuben, ni Gad, wey ziyà te ketengà he tribu ni Manase he para egkepengevilin dan.

2 Cronica 26:5

Midangep sikandin te Megbevayà hein timpu ni Zacarias, he iyan mibpenurù kandin te kedtahud te Megbevayà. Te kebpedayun din te kedangep te Nengazen, ne ibpeuswag sikandin te Megbevayà.