Josue 1:11 - Manobo Western Bukidnon OT

¹¹ “Liǥuya niw is kampu ne keǥiyi niw is menge etew he teǥenaha zan is menge egkekaan dan, su tetelu he andew puun guntaan ne edlayun kiw en te Wahig he Jordan te ked-angken duen te tanà he imbeǥey kenitew te Nengazen he Megbevayè tew.”

Josue 1:11 Referans Kwoze

Deuteronomio 9:1

“Pemineg kew is menge etew te Israel. Guntaan edlayun kew en te Wahig he Jordan su para maangken niw en is menge nasyun he edhuna he dezekelà wey menge mekeǥeǥehem kenà keniyu. Dezekelà is menge inged dan ne memetikang is berengbeng duen su henduen be te ebpekesungkul en diyà te langit.

2 Hadì 20:5

“Likù ka ziyà te ki Hezekia, he pengulu te menge etew ku, ne keǥiya nu heini: ‘Iyan heini lalag te Nengazen he Megbevayà te kepuun nu he si David: Nezineg ku is pengemuyù nu wey neehè ku is menge luhè nu. Ne ebewian ku sikew. Iketelu he andew puun guntaan ne ebpekeenew ke en, ne hendiyè ka te valey ku.

Hoseas 6:2

Egkeiring kiw te minatey he segugunà ed-uyaǥen. Te kenà egkeuǥet ne ibpeenew kiw zin, ne ebpengungubpaan kiw ziyà te etuvangan din.

Josue 3:2

Kedlavey te tetelu he andew, midliǥuy ziyà te kampu zan is menge edumala,

Deuteronomio 11:31

Edlayun kew en te Jordan te kedseled wey ked-angken duen te tanà he ibeǥey te Nengazen he Megbevayè niw keniyu. Emun egkekuwa niw en heini wey ed-ubpaan niw en,

Exodus 19:11

Sigureduwa nu he andam sikandan dutun te iketelu he andew, su zutun he andew, siak is Nengazen, ebulus a kayi te Buntud he Sinai ne egkaahà a te langun he etew.

Josue 1:2

“Minatey en is suluǥuen ku he si Moises. Umbe sikew wey is langun he menge Israilihanen, pengendami niw is kedlayun niw te Wahig he Jordan pehendiyà te tanà he ibeǥey ku keniyu.

Josue 1:10

Umbe, mibmenduan ni Josue sikan is ebpemendumala te Israel te,

Deuteronomio 3:18

“Dutun he timpu mibmenduan ku is menge tribu niw he ziyà ebpen-ubpà te zapit te edsilaan te Wahig he Jordan, he ke siak te, ‘Minsan imbeǥey en heini he tanà diyà te keniyu te Nengazen he Megbevayè niw su wey niw maangken, kinahanglan gihapun he edlayun te Wahig he Jordan is langun he menge sundaru niw he egkeǥumeenan su wey zan megiyahi is duma niw he menge Israilihanen te kebpekidtebek.