Jonas 4:10 - Manobo Western Bukidnon OT

¹⁰ Ne migkaǥi is Nengazen te, “Heeyan is tevayag he midtuvù wey nenguyabpat seled te sengekezukileman dà, ne neǥangu te kegkesunud he andew ne wazà kenikew he vaal zutun, kenè ka iyan mibpetuvù duen, iyan, minsan pa zutun egkenuǥunan nu ǥihapun.

Jonas 4:10 Referans Kwoze

1 Samuel 20:31

Hein uuyag pa si David, kenè ka egkehimu he hadì. Guntaan, kuwaa nu sikandin ne zumaha nu kayi te kedì, su ereg sikandin he edhimetayan.”

Genesis 17:12

Puun guntaan taman te peleebuten he lapis te kevuwazan, kinahanglan he sirkunsidara niw is menge vatà he menge maama zutun te ikewalu he andew puun te ked-enaka kandin. Sirkunsidara niw zaan is menge uripen niw he maama he neetew ziyà te valey niw ragkes is nengepemasa niw he ziyà ebpuun te zuma he menge inged. Heeyan he tuus te lawa niw, iyan tistiǥus he tutuu is kebpekid-uyun ku keniyu, ne kenà heini egkahanew taman te taman.

Jonas 4:9

Iyan, migkaǥi is Megbevayà diyà te ki Jonas te, “Dait be he igkepauk nu is kegkeǥangu keniyan te tevayag?” Ne midtavak si Jonas te, “Uya, dait iyan he egkepauk a. Umbe meupiya pa ke ebpatey ad nasì.”

Jonas 4:11

Ne iyan e pa kenà mehizu te Nineve, keniyan te inged he zuen duen subra he 120,000 he menge etew he wazè dan hanew zuen te kesuǥuan ku, ne zuen pa mahabet he menge uyaǥen?”