Jonas 3:4 - Manobo Western Bukidnon OT

⁴ Ne mibpuun medseled si Jonas dutun te inged, ne zutun te kebpuun din senga andew is kedhipanew zin. Midweliyan din is menge etew ziyà te Nineve he ke sikandin te, “40 dà he andew is keluǥayad ne edlimasen kew en te Megbevayà sumalà is migkaǥi zin kayi te kediey!”

Jonas 3:4 Referans Kwoze

Deuteronomio 18:22

Emun kenà egkeulaula etawa kenà egketuman is egkeǥiyen te ebpeneuven he ibpekaǥi kun kandin te Nengazen, ne heeyan he lalag ne kenà lalag te Nengazen. Kekenà, keugelingen dà he lalag dutun te ebpeneuven, umbe kenè niw sikandin ikahandek.

Jonas 3:10

Ne hein naahà te Megbevayà is mid-ulaula zan he iyan is ked-engkezi zan te mezaat he menge ulaula, nehizuwan din sikandan ne wazè din sikandan leusi te edlimas.

2 Hadì 20:6

Ed-umanan ku pa te 15 he tuig is untung nu. Edlibriyen ku sikew wey heini is inged puun te ǥehem te hadì diyà te Asiria. Edipinsahan ku heini he inged su wey a meveǥayi te zengeg wey tenged daan ki David te suluǥuen ku.’ ”

2 Hadì 20:1

Dutun he timpu, nezeruwan si Hezekia ne henduen be te ebpatey en. Midhendiyà te kandin is ebpeneuven he si Isaias he anak ni Amoz ne migkaǥi te, “Migkaǥi is Nengazen he veeli nu en is egkesuatan nu te ebaal su kenè ke en egkeulian, kekenà, ebpatey kad.”

Isaias 30:18

Piru edtaǥad is Nengazen te ked-uvey niw ziyà te kandin su para ikepeehè din is hizu zin keniyu. Andam sikandin he ebpaahà te kegkeipeng din keniyu. Su is Nengazen, metazeng he Megbevayà, ne utew zeyzey is langun he midsarig diyà te kandin.

Jeremias 42:10

Emun kenè kew ed-awà kayi he tanà ed-enawen ku sikiyu wey edlig-enan, ne kenè ku sikiyu edezeetan. Su ingkeseeng ku is kezeetan he impeseǥazan ku keniyu.