Jonas 2:4 - Manobo Western Bukidnon OT

⁴ Minsan pa te impekeziyù a puun kenikew, netuenan ku he ebpekehendiyà a ǥihapun te segradu he valey nu.

Jonas 2:4 Referans Kwoze

Salmo 31:22

Tenged te utew ku kegkahandek, kunaan ku ke mibpekidsuwey ke en kedì. Iyan, dutun, midineg nu is kebpehizuhizu ku zutun te kebuyù ku te tavang diyà te kenikew.

Salmo 5:7

Iyan, siak mulà, ebpekeseled a ziyà te valey nu he segradu su ǥeina te utew a kenikew mibmahal. Ne zutun ku sikew ed-ezapa te ked-azap duma te zekelà he kedtahud kenikew.

Isaias 38:17

Tutuu, he is kemeresayan ku para te keupiyaanan ku. Tenged te kebmahala nu kedì, midlibri a kenikew te kezeetan wey mibpesaylu a kenikew te menge salè ku.

2 Cronica 6:38

pemineǥa nu is menge kebpengemuyù dan. Ne emun ebpekid-uliey sikandan kenikew te ebpuun te tivuuk he ǥehinawa zan wey isip dan diyà te lugar he zutun dan bihaǥa, ne ebpengemuyù dan he ed-etuvang kayi te tanà he imbeǥey nu te menge kepuun dan, he iyan heini is inged he mibpilì nu, wey heini is baley nu he midtukud ku para te zengeg nu,

Daniel 6:10

Ne hein netuenan ni Daniel he mibpirma haazà is hadì, ne mid-ulì sikandin. Ne ziyà te zivavew he ruǥu te valey ni Daniel ne zuen dutun menge sulawà he ebpekesinaru ziyà te Jerusalem. Ne zutun sikandin renged is edluhud wey ebpengemuyù diyà te Megbevayè din te ketetelu kada andew, su iyan haazà layun din ebeeli.

Jeremias 7:15

Sikiyu is menge tig-Juda, edsegseǥen ku sikiyu ziyà te etuvangan ku iring te mibeelan ku ziyà te menge kezuzumahi niw, he menge etew he tig-Israel.’

Ezekiel 37:11

Migkaǥi en maan is Nengazen kayi te kedì te, “Sikew is etew, heeyan is menge tulan iyan ibpaalung din is tivuuk he menge etew te Israel. Migkaǥi sikandan te, ‘Neǥangu en is menge tulan dey, ne kenè key en ebpekeperateng, henduen be te minatey key en.’

Jeremias 15:1

Migkaǥi is Nengazen kayi te kedì te, “Minsan si Moises pa wey si Samuel is ebpehizuhizu kediey para kayi he menge etew, ne kenè ku sikandan egkehizuwan. Umbe ipekeziyù sikandan kayi te etuvangan ku. Ipawè niw en sikandan!

Isaias 49:14

Piru migkaǥi is menge etew ziyà te Jerusalem te, “Inselikwey key en te Nengazen; midlipatan key zin en.”

1 Hadì 9:7

ne ibpaawè ku sikiyu kayi te tanà he imbeǥey ku keniyu, ne ebeleǥazen ku heini is baley ku he iyan mibpilì ku he lugar he kayi a ebeǥayi te zengeg. Ne ed-un-undahan wey ed-engitan te langun he menge etew is Israel.

1 Hadì 8:48

pemineǥa nu is menge kebpengemuyù dan. Ne emun ebpekid-uliey sikandan kenikew te ebpuun te tivuuk he ǥehinawa zan wey isip dan diyà te lugar te menge kuntada zan he mibihag kandan, ne ebpengemuyù dan he ed-etuvang kayi te tanà he imbeǥey nu te menge kepuun dan, he iyan heini is inged he mibpilì nu, wey heini is baley nu he midtukud ku para te zengeg nu,

Jonas 2:7

Ne hein edserupatey ad, netenuzan ku sikew. Ne zutun mid-ampù a, ne is ampù ku nezineg nu, su nekeuma ziyà te kenikew zutun te segradu he valey nu, ne midtavak nu haazà.

Salmo 42:8

Emun maandew ibpeehè nu is gaǥew nu Nengazen, umbe emun mezukilem en, egkanta a te ked-ampù diyà te kenikew te Megbevayà he mibeǥey kedì te untung ku.

Salmo 88:6

Henduen be te intimbag a kenikew ziyà te vudsi he utew mezalem wey utew merusirem.

Salmo 88:7

Utew a kenikew nepeuki. Is pauk nu iring te menge vaǥel he neketaplì kayi te kediey.

Penhulùhulù 3:54

Henduen be te egkelened a ziyà te wahig, ne kunaan ku ke ebpatey ad.