Joel 3:7 - Manobo Western Bukidnon OT

⁷ Piru midtevangan ku sikandan he mekaawè dan diyà te menge lugar he mibelegyaan niw kandan, ne ebeelan ku ziyà te keniyu is mibeelan niw ziyà te kandan.

Joel 3:7 Referans Kwoze

Jeremias 23:8

Kekenà, egkaǥi sikandan te, ‘Ebpenangdù a pinaaǥi te uuyag he Nengazen he mibpeǥawas te menge Israilihanen puun te nasyun diyà te zizaya wey ziyà te langun he nasyun he zutun din sikandan ipeyapat.’ Ne zutun ed-ubpà sikandan diyà te keugelingen dan he tanà.”

Jeremias 30:16

“Piru is langun he midezaat keniyu edezeetan daan; is langun he menge kuntada niw ebihaǥen. Is langun he midsurung keniyu wey mid-aǥew te menge azen niw ne edsurungen daan, ne ed-eǥawen is menge azen dan.

Jeremias 30:10

“Umbe kenè kew mahandek wey mesuǥey is menge kevuwazan ni Jacob he menge suluǥuen ku. Iyan a is Nengazen migkaǥi te egkuwaan ku sikiyu ziyà te meziyù he lugar he zutun kew uwita te mibihag keniyu. Ne ed-ubpè kew he zuen kelinew. Wazè en igkehandek niw wey wazè en ebpekezezaat keniyu.

Joel 3:4

“Sikiyu is menge etew ziyà te Tyre, Sidon, wey te langun he lugar ziyà te Filistia, hengkey heini is mibeelan niw he igkuntra niw kedì? Mibelesan e ve keniyu tenged te mibeelan ku. Emun mibelesan a keniyu, ne ebelesan ku zaan sikiyu tenged te mibeelan niw.

Ezekiel 38:8

Dutun te ebpekeuma he menge andew ebmenduan ku sikiyu te kedsurung te Israel, he nekeenew en puun te kegkezeeti zuen he midtiǥum is menge meǥinged duen diyà te menge vuvungan te Israel he nehimu he mekevulungbulung seled te neuǥet he timpu. Nekelikù en is menge meǥinged kayi puun te menge nasyun ne melinawen en is ked-ubpè dan.

Ezekiel 36:24

Su egkuwaan ku sikiyu puun diyà te nekedseselekawà he menge nasyun ne ed-uwiten ku sikiyu ziyà te keugelingen niw he tanà.

Jeremias 32:37

edtiǥumen ku is menge etew ku puun te langun he lugar he zutun ku sikandan ipeyapat tenged te utew ku kegkepeuki kandan. Ed-umanan ku sikandan ed-uwita kayi he lugar ne ebpekepengungubpaan dan he melinawen.

Jeremias 31:8

Pemineg kew! Iyan a mismu egkuwa wey edtiǥum kandan puun te zizaya wey ziyà te minsan hendei he vahin te kelibutan. Ragkes en he ebpekezuma kandan, is menge lakap wey menge pigket. Iring din daan is menge meǥingey wey umaanak. Utew mahabet is ebpemen-ulì.

Isaias 49:12

Ebpekeuma is menge etew ku he ebpemuun diyà te meziyù–is duma ebpuun diyà te zizaya, is duma ebpuun diyà te edsenlepan, ne is duma pa ebpuun diyà te Sinim.”

Isaias 11:12

Ibayew te Nengazen is sevaha he bendirà su ibpeehè din te menge nasyun he edtiǥumen din en is menge etew zin diyà te Israel wey Juda he ebpuun te nekedseselekawà he vahin te kelibutan.

Ester 7:10

Umbe imbitey zan si Haman diyà te vitayà he mibpeveelan din he para pezem ki Mordecai. Ne zutun naawà is pauk duen te hadì.

1 Samuel 15:33

Ne zutun migkaǥi si Samuel te, “Guntaan utew mezakel is menge iney he neewaan te menge anak tenged te kebpemenhimatey nu, edhimetayan ku sikew su wey meewai is iney nu zaan te anak.” Ne zutun midhimetayan ni Samuel si Agag diyà te etuvangan te Nengazen diyà te Gilgal.

Zatù 1:7

Migkaǥi si Adoni Bezek te, “70 he hadì is mibpenamped ku is tindezekelà te menge velad dan wey menge paa zan, ne nekepengimù sikandan te menge mumu ziyà te zizalem te lemisahan ku. Ne ǥuntaan mibeelan te Megbevayà kayi te kedì is mibeelan ku ziyà te kandan.” Mid-uwit dan sikandin diyà te Jerusalem ne ziyè en mebpatey.

Isaias 66:6

Nezineg niw ve is keǥurub diyà te inged wey ziyà te valey te Nengazen? Keǥurub heeyan te Nengazen he ebpenimales te menge kuntada zin.

Zacarias 9:13

Egemiten ku is Juda wey Israel he iring te panà. Edhimuwen ku is menge etew ziyà te Zion he iring te ispada he idsiwer ku, ne edezeetan dan is menge etew ziyà te Grecia.”