Joel 2:28 - Manobo Western Bukidnon OT

²⁸ “Diyà te huziyan he timpu ibeǥey ku is Mulin-ulin ku ziyà te langun he kelasi te etew. Is menge anak niw he maama wey vahi ebpenudtulen dan is menge lalag ku. Is meǥurang keniyu he menge maama ibpeteǥeinep ku. Is menguhed keniyu he menge maama duen menge ibpelewasan ku kandan.

Joel 2:28 Referans Kwoze

Ezekiel 39:29

Kenè ku en sikandan ebpesegdanen su edsuǥuen ku ziyà te kandan is Mulin-ulin ku. Iyan a, is Nengazen he MEGBEVAYÀ, is migkaǥi kayi.”

Isaias 32:15

Egkehitavù heini taman te ibpehendini te kenitew is Mulin-ulin he ebpuun te langit. Ne is sibsivayan egkehimu he uuzaran he vevesukà.

Isaias 44:3

Su ebeǥayan ku sikew te wahig he ebpekevawì te kegkemezahi nu wey edhames te memaza he tanè nu. Ebpeulinan ku te Mulin-ulin ku is menge kevuwazan nu wey edtuvazan ku sikandan.

Zacarias 12:10

“Ebeǥayan ku is menge kevuwazan ni David wey is menge meǥinged diyà te Jerusalem te ǥehinawa he hihizuwen wey meinempuen. Edtengtengan e zan is midhimetayan dan, ne edsineǥew sikandan iring te ginikanan he midsineǥew tenged te kebpatey te vudtung he anak din etawa kinekekayan he anak din.

Erubasa 1:23

Mebpezumazuma kew te kedawey ku keniyu. Guntaan, egkeǥiyen ku keniyu is egkeisip ku; ibpetuenan ku keniyu is egkeǥiyen ku keniyu.

Isaias 40:5

Ne ibpezayag is mekeǥeǥehem he kebpekiduma te Nengazen, ne egkaahà heini te langun he menge etew. Su iyan mismu migkaǥi is Nengazen kayi.”

Numero 12:6

migkaǥi is Nengazen te, “Pemineǥa niw heini: Emun duen ku ebpeneuven diyà te keniyu, ne ebpekidlalag a kandin pinaaǥi te ibpelewasan ku wey ibpeteǥeinep ku.

Isaias 49:6

Migkaǥi sikandin te, “Sikew is suluǥuen ku, zuen pa zekelà he vuluhaten ku he ebpeveelan ku kenikew, gawas te kebpelikùa nu te menge Israilihanen he ebpengelangan ku. Edhimuwen ku pa sikew he iring te sulù he ebpeketayew te menge nasyun, su para zuen kelibriyanan kayi te tivuuk he kelibutan he egkaangken te menge etew.”

Jeremias 23:28

Bey-ani en heini he menge ebpeneuven ke ebpenudtul zan te menge teǥeinep dan, piru sikan is menge ebpeneuven he nekezineg te lalag ku kinahanglan he edtudtulen dan heini te tinutuuwà. Su zuen kebpekedselekawà te teǥeinep dan wey is lalag ku iring te kebpekedselekawà te reǥami wey veǥas din.

Isaias 54:13

Iyan a mismu ebpenurù te menge etew nu, ne utew sikandan ed-uswag.

Numero 11:17

Ebulus a ne ebpekidlalag a kenikew zutun, ne ibeǥey ku kandan is duma he keǥehem he imbeǥey ku kenikew su wey zan mekeuǥup kenikew te kedumala te menge etew su para zuen nu zuma te kedumala kandan.

1 Samuel 19:20

Ne midsuǥù sikandin te menge etew he edakep ki David. Hein nekeuma zan neehè dan is menge ebpeneuven he mibpenguluwan ni Samuel he mibpen-ulinan he ebpenagnà. Ne zutun mid-ulinan te Mulin-ulin te Megbevayà haazà is menge sakup ni Saul ne nekepenagnè dan daan.

1 Samuel 28:6

Ne zutun mid-insaan din is Nengazen, ne wazà sikandin tevaka te Nengazen minsan te teǥeinep dà, wey pinaaǥi te Urim wey te menge ebpeneuven.

Isaias 49:26

Ibpekaan ku te menge midaagdaag kenikew is keugelingen dan he lawa, ne iring te vinu egkelangut dan te keugelingen dan he lengesa. Ne egketuenan te langun he etew he iyan a Nengazen, iyan a Menluluwas nu wey Perevelukas, iyan a Mekeǥeǥehem he Megbevayà ni Jacob.”

Jeremias 23:25

“Nezineg ku is tarù he mibpengaǥi te menge ebpeneuven he midheǥet dan pinaaǥi te ngazan ku. Egkaǥi sikandan te, ‘Duen menge lalag he migkaǥi te Nengazen diyà te kenami pinaaǥi te teǥeinep!’

Ezekiel 36:27

Ebeǥayan ku zaan sikiyu te kediey he Mulin-ulin su wey niw mepurung mesunud is menge suǥù ku wey menge sulunuzen.

Ezekiel 37:14

Ibeǥey ku keniyu is Mulin-ulin ku ne egkeuyag kew, ne ibpeubpè ku sikiyu ziyà te keugelingen niw he tanà. Ne egketuenan niw he iyan a is Nengazen midtuman te migkaǥi ku. Iyan a, is Nengazen, is migkaǥi kayi.’ ”

Daniel 7:1

Duen te nehuna he tuig te kedhadì ni Belshazar ziyà te Babilonia, duen nelewasan ni Daniel ziyà te teǥeinep din. Iyan heini teǥeinep din he insurat din:

1 Samuel 19:21

Hein nezineg ni Saul is neulaula, midsuǥù en maan sikandin te menge sakup din he edakep ki David, piru hein nekeuma zan, ne nekepenagnà daan sikandan. Ne mid-uman en maan medsuǥù si Saul te iketelu he timpu, ne iyan ded neulaula is nekepenagnè ded sikandan.