Jeremias 9:11 - Manobo Western Bukidnon OT

¹¹ Su migkaǥi is Nengazen te, “Edezeetan ku is Jerusalem, ne egkehimu zà heini he ubpeey te leew he menge asu. Is menge inged diyà te Juda egkeiring te disirtu he wazà duen ed-ubpà.”

Jeremias 9:11 Referans Kwoze

Isaias 25:2

Mibengkag nu is binerengbeng he menge inged te menge etew ziyà te zuma he menge nasyun. Midrundus nu is melig-en he menge vahin te inged dan, ne kenè en heini egkeuman egkevangun.

Jeremias 51:37

Egkevengkag heini he nasyun! Ed-engitan wey edtemayen heini he lugar, ne wazà ed-ubpè kayi gawas te leew he menge asu.

Jeremias 10:22

Pemineǥa niw is utew subra he keǥurub te menge sundaru he ebpuun diyà te zizaya. Edezeetan dan is menge inged kayi te Juda, ne egkehimu zà heini he ubpeey te leew he menge asu.”

Isaias 34:13

Ebpenuvuan dà te menge zuǥiyen he zezeisey he kayu is binerengbeng he menge inged dan wey is melig-en he menge vahin kayi. Ne ed-ubpà dutun is menge ekang wey is leew he menge asu.

Isaias 13:22

Is menge langgam he henduen be te menge asu, ne edtaul ziyà te menge turi wey menge turuǥan dutun te Babilonia. Meǥaan en is ketepusan te Babilonia; kenè en heini egkeuǥet.

Micas 3:12

Umbe, tenged keniyu edezeetan is Zion he iyan is inged he Jerusalem. Egkeiring heini te mid-eradu he bevesukà, ne egkehimu heini he egketembuan te menge nengeǥevà. Ne egkehimu heini he ketelunan is buvungan he nevengunan te valey te Nengazen.”

Penhulùhulù 3:47

Nekaantus key te kegkahandek, bangkit, kepirdiyan, wey kezeetan.”

Penhulùhulù 2:2

Wazè en sikandin mehizu hein midezeetan din is langun he menge valey te menge kevuwazan ni Jacob. Tenged te pauk din midwaǥey zin is binerengbeng he menge inged diyà te Juda. Impekevavè din wey mibpeel-elezan din heini he ginhedian wey is menge pengulu kayi.

Jeremias 34:22

edsuǥuen ku sikandan te ked-uman kedsurung diyà te inged niw. Edsurung dan kayi ne ed-eǥawen dan heini, ne ebinsulan dan. Edhimuwen ku he mekevulungbulung is menge inged diyà te Juda ne wazè en ed-ubpè kayi. Iyan a, is Nengazen, is migkaǥi kayi.”

Jeremias 26:18

“Hein si Hezekia pa is hadì te Juda, si Mica he tig-Moreshet, midtudtul zin diyà te langun he menge etew kayi te Juda is menge lalag te Nengazen. Ke sikandin te, ‘Migkaǥi is Nengazen he Mekeǥeǥehem he edezeetan is Zion, is inged te Jerusalem. Egkeiring heini te mid-eradu he bevesukà, ne egkehimu heini he egketembuan te menge nengeǥevà. Ne egkehimu heini he ketelunan is buvungan he mibengunan te valey te Nengazen.’

Jeremias 25:11

Egkehimu he mekevulungbulung heini is tivuuk he tanà. Heini he nasyun wey is menge nasyun diyà te peliǥuy kayi ebpenilbi te hadì te Babilonia seled te 70 he tuig.

Salmo 79:1

He Megbevayà, midsurung te meǥinged diyà te senge nenasyun is meǥinged diyà te tanà he ǥaked nu. Midremerikan dan is segradu he valey nu ne midezeetan dan is Jerusalem.

Micas 6:16

Egkehitavù heini keniyu su ǥeina te mid-iringan niw is mezaat he menge vaal, menge sulunuzen, wey menge sambag ni Hadì Omri wey te anak din he si Hadì Ahab. Umbe, edezeetan ku sikiyu, ne ed-un-undahan kew wey edsudien te menge etew ziyà te zuma he menge nasyun.”

Micas 1:6

Umbe, migkaǥi is Nengazen te, “Edezeetan ku is Samaria ne kenè en heini egkeubpaan, kekenà, ebpemulaan dà te paras. Edlilizen ku is menge vatu kayi pehendiyà te suǥud taman te ebpekelepew is menge pundasyun kayi.

Jeremias 26:9

Maan is migkaǥi ka pinaaǥi te ngazan te Nengazen he heini is baley te Nengazen edezeetan iring te kedezeeti te Shilo, ne heini is inged egkehimu he mekevulungbulung ne kenè en egkeubpaan?” Ne midakep dan si Jeremias dutun te valey te Nengazen.

Jeremias 25:18

Impeinum ku is menge etew ziyà te Jerusalem, wey is menge etew ziyà te menge inged diyà te Juda, ragkes is menge hadì dan wey menge upisyal su para mezeeti sikandan. Igkeherati is egkeula-ula kandan; edsudien wey ebpenrewakan sikandan iring te nehitavù guntaan.

Isaias 44:26

Edtumanen ku is menge tagnà te suluǥuen ku wey menunudtulà. Migkaǥi a he egkeumanan egkeubpai is Jerusalem, ne ed-umanan ebenguna is menge inged diyà te Juda he nengevengkag.

Nehemias 4:2

Diyà te etuvangan te menge zuma zin wey te menge sundaru ziyà te Samaria, migkaǥi sikandin te, “Hengkey is ebeelan kayi te mekehizuhizu he menge Judio? Kunaan dan buwa ke egkeuman dan egkevangun is menge verengbeng te Jerusalem seled dà te senga andew, ne ebpekeuman dan ebpekepemuhat. Kunaan dan buwa ke egkeǥamit dan pa is netutung wey nerupet he menge vatu zuen te verengbeng!”

Leviticus 26:32

Ebengkaǥen ku is lugar niw ne egkeinuinu zà is menge kuntada niw he edsakup kayi.

Salmo 44:19

Iyan, henduen be te midrupet key kenikew wey mibey-anan diyà te utew merusirem he ed-ubpaan te leew he menge asu.

Jeremias 1:15

Pemineg ka! Edsuǥuen ku is menge sundaru ziyà te menge ginhedian diyà te zizaya he surunga zan is Jerusalem. Is menge hadì dan ne edsavuk te menge pinuuwè dan te kedhadì diyà te menge pultahan te Jerusalem. Edliǥuyan dan is menge verengbeng kayi, wey edsurungen dan daan is duma he menge inged kayi te Juda.

Jeremias 4:27

Iyan heini migkaǥi te Nengazen: “Egkevengkag is tivuuk he kelibutan, piru kenè ku heini ebpurungan edezeeti.

Jeremias 44:2

Iyan heini migkaǥi te Nengazen he Mekeǥeǥehem, he Megbevayà te Israel: “Neehè niw is dekelà he kezeetan he impeseǥazan ku ziyà te Jerusalem wey ziyà te langun he menge inged diyà te Juda. Nengevengkag en heini ne wazè en duen ed-ubpà

Jeremias 49:33

Egkehimu he mekevulungbulung is Hazor taman te taman ne wazè en etew he ed-ubpà dutun, kekenà, iyan dà is leew he menge asu.”

Jeremias 50:3

Su edsurungen is Babilonia te sevaha he nasyun he ebpuun te zizaya, ne egkehimu heini he mekevulungbulung ne wazè en ed-ubpà kayi, su ebpemelaǥuy en is menge etew kayi wey menge uyaǥen.”

Penhulùhulù 1:4

Is menge zalan pehendiyà te Jerusalem mekeseseeng, su wazè en edhendiyà te ked-azap dutun te netelaan he menge timpu te pista. Mekevulungbulung is langun he pultahan kayi. Edag-es is menge memumuhat kayi, ne is menge raǥa ebpemenlalew. Utew mekeseseeng is nehitavù te Jerusalem.

Deuteronomio 29:23

Is tivuuk he tanè niw egkeiring te disirtu he netembunan te esupri wey timus. Wazà ebpemula kayi he tanà su kenà edtuvuan te pinemula. Egkezeetan heini iring te kegkezeeti te Sodom wey Gomora, Adma wey Zeboyim he midezeetan te Nengazen tenged te utew zin kegkepauk.

Salmo 107:43

Is menge uluwanen ereg he ebpurung ed-isip-isip mehitenged kayi; ereg he ed-isipen dan is dekelà he ǥaǥew te Nengazen.

Jeremias 8:22

Wazè be bawì diyà te Gilead? Wazè be ebpemawì diyà? Maan is wazà meulii is palì te menge emurè ku te inged?

Jeremias 16:10

“Emun egkeǥiyen nu heini ziyà te menge etew, ne ke ed-insè sikandan te, ‘Hengkey ves is salà he nehimu zey ziyà te Nengazen he Megbevayè tew he iyan hinungdan te kebpetizeeni zin kenitew he egkeumahan kiw te zekelà he kezeetan?’