Jeremias 48:18 - Manobo Western Bukidnon OT

¹⁸ “Sikiyu is menge meǥinged diyà te Dibon, pekevavè kew ne lumpeng kew ziyà te tanà. Su is edezaat te Moab edsurung daan diyà te keniyu; ebengkaǥen dan is menge inged niw he mibpeliǥuyan te verengbeng.

Jeremias 48:18 Referans Kwoze

Isaias 47:1

Migkaǥi is Nengazen te, “Pinuu ka ziyà te tanà, Babilonia. Pinuu ka he wazè nu pinuuwà te kedhadì. Sikew is iring te vahi he wazè pa mehileveti kenè ke en edtewaǥen he mezagwey etawa meredtan.

Numero 21:30

Piru guntaan nezeetan dey en is menge Amorihanen. Nezeetan en is inged he Heshbon, ragkes is Dibon, Nofa, wey Medeba.”

Isaias 15:2

Edtekezeg is menge tig-Dibon diyà te lavew he simbahan dan wey ziyà te menge simbahan dan diyà te metikang he menge lugar su edsineǥew zan dutun. Edsineǥawan te menge tig-Moab is Nebo wey Medeba. Is kada sevaha kandan mibpevangul wey mibpemarbas su ibpeehè dan is kedlalew zan.

Jeremias 48:22

Dibon, Nebo, Bet Diblataim,

Josue 13:17

Ragkes daan is Heshbon wey is langun he menge inged kayi ziyà te menge suǥud he iyan is: Dibon, Bamot Baal, Bet Baal Meon,

Ezekiel 19:13

Ne zutun impasek heini iuman diyà te sibsivayan, diyà te lugar he memaza he wazà duen wahig.

Isaias 5:13

Umbe sikiyu is menge etew ku, ebihaǥen kew su wazè niw mesavut is menge vaal ku. Egkeǥerè kew wey is menge edumala keniyu tenged te kegkevitil wey kegkemezahi.

Zatù 15:18

Utew nemezahi si Samson. Umbe nengumew-umew sikandin te Nengazen. Ke sikandin te, “Midhimu nu he mekezaag a, piru ǥuntaan henduen be te ebpatey ad te kegkemezahi ku ne ebihaǥen a te menge Filistihanen he wazà mekekilala kenikew.”

Josue 13:9

Is tanè dan, ne ziyà ebpuun te Aroer ziyà te kilid te zal-ug he Arnon (ragkes is inged diyà te kilid kayi he zal-ug) pehendiyà te tivuuk he suǥud puun te Medeba taman te Dibon.

Numero 32:3

“Is menge lugar he midezeetan te Nengazen pinaaǥi te menge Israilihanen he iyan is Atarot, Dibon, Jazer, Nimra, Heshbon, Eleale, Sebam, Nebo, wey Beon–meupiya he lugar para te menge uyaǥen, ne sikami is menge suluǥuen nu mahabet is menge uyaǥen dey.

Exodus 17:3

Piru egkengemezahan utew haazà is menge etew zutun, umbe mibpedayun is kedriklamu zan diyà te ki Moises. Ke sikandan te, “Maan is impeǥawas key pa kenikew ziyà te Ehipto? Ebpematey key zè bes te kegkemezahi kayi duma te menge anak dey wey menge uyaǥen dey.”

Genesis 21:16

Ne mid-awà sikandin, he menge 100 he mitrus is keziyù puun dutun te vatà. Dutun sikandin mebpinuu he edsineǥew, ne egkeisip din is, “Kenè ku egkaantus te ed-ahà is anak ku he ebpatey.”