Jeremias 42:11 - Manobo Western Bukidnon OT

¹¹ Kenè kew en egkahandek te hadì te Babilonia su zuma a keniyu ne edlibriyen ku sikiyu emun edezeetan kew zin.

Jeremias 42:11 Referans Kwoze

Jeremias 1:19

Egkuntedahan ke zan, piru kenè ke zan egkezaag, su zuma a kenikew ne edtevangan ku sikew. Iyan a, is Nengazen, is migkaǥi kayi.”

Jeremias 1:8

Kenè ka mahandek te menge etew su eduma a is edtavang kenikew.”

Isaias 43:5

Kenè ka mahandek su zuma a kenikew. Edtiǥumen ku is menge kevuwazan nu puun te edsilaan wey edsenlepan.

Isaias 43:2

Emun ebayè ka ziyà te wahig, ne eduma a kenikew. Emun edlayun ka ziyà te zezekelà he menge wahig he edtudà ne kenè ka egkelened. Emun ebayè ka ziyà te hapuy, ne kenè ka egketutung; is regreg kayi ne kenà ebpekemenu kenikew.

Jeremias 41:18

Su nahandek dan te menge tig-Babilonia tenged te kedhimetayi ni Ishmael ki Gedalia he iyan midhimu te hadì te Babilonia he gubirnedur te Juda.

Jeremias 27:17

Kenè kew pemineg kandan. Kekenà, silbiyi niw is hadì te Babilonia, ne egkeuyag-uyag kew. Kinahanglan pe be he egkezeetan heini he inged!

Jeremias 15:20

Edhimuwen ku sikew he iring te melig-en he verengbeng he brunsi he kenà egkelewangan kayi he menge etew. Ebpekidtebek sikandan kenikew piru kenè ke zan egkezaag, su eduma a kenikew para te kedlavan wey kedlibri kenikew.

Isaias 41:10

Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.

Salmo 46:11

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

Josue 1:9

Tentenuzi nu heini is insuǥù ku kenikew: ‘Mebpekelig-en ka wey mebpekevurut ka. Kenè ka mahandek wey luyahi, su siak, is Nengazen he Megbevayè nu, eduma a kenikew minsan hendei ka ebpevayà.’ ”

Josue 1:5

“Wazà ebpekezaag kenikew mintras uuyag ke pa. Su ebpekiduma a kenikew iring te kebpekiduma ku ki Moises. Kenè ku sikew ed-ewaan wey ebpesegdanen.

Deuteronomio 20:4

Su eduma keniyu is Nengazen he Megbevayè niw! Ebpekidtebek sikandin para keniyu kuntra te menge kuntada niw ne ibpezaag din keniyu sikandan!’

Numero 14:9

Kenè niw zà supaka is Nengazen. Ne kenè kew mahandek te menge etew zutun su egkezaag tew sikandan. Wazà edtavang kandan, ne sikitew mulà, edtevangan kiw te Nengazen. Umbe kenè kew mahandek kandan.”

Jeremias 27:12

Iyan ded heini he menge lalag migkaǥi ku ziyà te ki Hadì Zedekia he hadì te Juda. Migkaǥi a te, “Pesakup kew te hadì te Babilonia. Penilbi kew kandin wey te menge etew zin ne egkeuyag-uyag kew.

Salmo 46:7

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

2 Hadì 25:26

Ne tenged kayi, nemelaǥuy pehendiyà te Ehipto is langun he menge etew zutun puun te pinekelavew pehendiyà te kineminusan, ragkes en is menge upisyal wey menge sundaru, su nahandek dan he kela ke mebpenimales is menge tig-Babilonia.

Salmo 118:6

Duma ku is Nengazen, umbe kenà a egkahandek. Wazà kezeetan he egkehimu te etew kayi te kediey.

Jeremias 27:11

Piru is menge etew ziyà te nasyun he ebpesakup wey ebpenilbi te hadì te Babilonia, idtugut ku he kenà egkengaawà sikandan diyà te keugelingen dan he tanà. Dutun dan egkeuyag-uyag wey ed-ubpà. Iyan a, is Nengazen, is migkaǥi kayi.’ ”