Jeremias 4:24 - Manobo Western Bukidnon OT

²⁴ Neehè ku is menge vuntud wey menge vuvungan he nengehuyung.

Jeremias 4:24 Referans Kwoze

Ezekiel 38:20

Ne zutun is langun he menge etew wey is langun he menge langgam: is ebpemenhipanew, is ebpemenlayang, is ebpemenanap, wey is diyà ebpen-ubpà te wahig ebpengerkeren te kegkahandek diyà te etuvangan ku. Egkengetempag is menge vuvungan wey menge kelendiǥan, wey egkengevengkag is menge verengbeng.

Jeremias 10:10

Piru iyan is Nengazen tutuu he Megbevayà. Iyan sikandin uuyag he Megbevayà ne Hadì sikandin te wazà pidtemanan. Emun egkepauk sikandin, egkehuyung is kelibutan ne ed-eles is diyà te menge nasyun.

Isaias 5:25

Umbe tenged te utew kegkepeuki keniyu te Nengazen te menge etew zin, ne edsilutan kew zin. Egkehuyung is menge vuvungan ne ebpekepeyapat kew ziyà te kersada is ebpemematey he egkeiring te menge vesura. Ne minsan pa zutun kenè pa egkaawà is pauk te Nengazen. Andam pa ǥihapun sikandin he edsilut keniyu.

Micas 1:4

Egketunew is menge vuntud he egkeǥiekan din iring te kendilà he egketunew te hapuy, ne egkeǥadgad is menge suǥud he egkeǥiekan din iring te ebeyaan te wahig he edtudà diyà te kelendiǥan.

Salmo 97:4

Is kilat din neketayew te kelibutan. Ne hein naahà heini te menge etew ne mibpengerker sikandan te kegkahandek.

Salmo 18:7

Ne zutun ne midlinug, ne minsan is menge pundasyun te menge vuvungan ne neyunggat, tenged te kegkepauk nu, Nengazen.

1 Hadì 19:11

Migkaǥi is Nengazen te, “Gawas ka ne hitindeg ka ziyà te etuvangan ku ziyà te puntur kayi te vuntud, su edsaǥad a.” Ne zutun nengeramag te utew mevandes he nekeǥadgad te menge vuntud wey nekelekat te menge vatu, piru wazà dutun te keramag is Nengazen. Ne hein mid-engked is keramag, midlinug piru wazà gihapun is Nengazen dutun te linug.

Habakuk 3:10

Is menge vuntud henduen be te menge etew he egkerkeren emun egkeehè ke zan. Mid-uzan te mereǥes, mideǥurus is wahig diyà te zaǥat ne midekelà is menge vaǥel.

Habakuk 3:6

Emun edhitindeg ka egkehuyung is kelibutan, ne emun edtengteng ka ne egkerkeren te kegkahandek is menge etew wey egkengetiplak is neuǥet en he menge vuntud. Is menge paaǥi nu ebpedayun te wazà pidtemanan.

Jeremias 8:16

Is mezaǥing he herìhian te menge kudà te menge kuntada tew iyan nezineg tew ziyà te Dan. Minsan herìhian dà dutun te menge kudè dan egkahandek kiw en is langun he meǥinged kayi he tanà. Nekeuma zan su edezeetan dan heini he tanà wey is menge netaǥù kayi–is menge inged wey is langun he menge meǥinged kayi.’ ”

Salmo 77:18

Ne egkezineg is selenuhug te menge vagyu; is menge kilat neketayew te kelibutan; ne neyunggat is kelibutan.

Exodus 19:18

Ne neselikuvungan te evel haazà is Buntud he Sinai su mibulus is Nengazen dutun pinaaǥi te hapuy. Midlipuwak is evel zutun he iring te evel te utew zekelà he rapug, ne nehuyung haazà is tivuuk he vuntud,

Jeremias 9:10

Migkaǥi si Jeremias te: Edlelendag a tenged te menge vuntud; edlalew a tenged te menge penebtavà diyà te sibsivayan. Su egkehimu en heini he mekevulungbulung ne wazè en edsaǥad kayi. Kenè en egkezineg kayi is ked-engà te menge vaka, ne mibpekeziyù en is menge tagbis wey minsan is dumezaas he menge langgam.

Isaias 13:13

Edhuyungen ku is langit wey is kelibutan. Ebeelan ku heini zutun te andew he ibpeehè ku is utew ku kegkepauk.”

Isaias 24:20

Ebpekeziregdireg heini iring te egkelangut. Egkehuyung heini he iring te lawig he egkesuǥat te keramag. Egkeveǥatan heini tenged te salà, ne egkezeetan ne kenè en ebpekeuman ebpekeenew.