Jeremias 34:3 - Manobo Western Bukidnon OT

³ Ne kenè ka ebpekelikey kandin, su egkezekepan ka ne ibeǥey ka kandin. Ed-etuvang ka kandin su wey ke zin mehukumi, ne zutun ebihaǥen ka pehendiyà te Babilonia.

Jeremias 34:3 Referans Kwoze

Jeremias 32:4

Kenà ebpekelikey si Hadì Zedekia te gehem te menge tig-Babilonia. Su siguradu he ibeǥey ku sikandin te hadì te Babilonia ne ebpeked-etuvang wey ebpekedlalag sikandan.

Jeremias 21:7

Ne sikew Hadì Zedekia he hadì te Juda, wey is menge upisyal nu, wey is menge etew he egkesamà he kenà ebpatey te zaru, te vitil, wey te tebek, ibeǥey ku sikiyu te kuntada niw he si Hadì Nebucadnezar he hadì te Babilonia wey te zuma pa he menge kuntada niw he egkesuat he edhimatey keniyu. Kenà sikandin egkehizu he edhimatey keniyu. Iyan a, is Nengazen, is migkaǥi kayi.

Jeremias 34:21

“Ibeǥey ku si Hadì Zedekia he hadì te Juda wey is menge upisyal zin diyà te menge kuntada zan he egkesuat he edhimatey kandan, he iyan is menge sundaru te hadì te Babilonia. Minsan mid-engked dan en he edsurung keniyu,

Ezekiel 21:25

“Sikew, is lalung wey mekesesalà he pengulu te Israel. Neume en is timpu te kedsiluti kenikew!

Ezekiel 12:13

Edhingutelen ku sikandin ne ed-uwiten ku ziyà te Babilonia he tanà te menge Kaldiyanhen. Piru kenè din heini egkaahà, ne ebpatey sikandin dutun.

Jeremias 38:18

Iyan, emun kenè ka edsurindir, ne ibeǥey heini he inged diyà te menge tig-Babilonia, ne ebinsulan dan heini ne kenè ka ebpekelikey.”

Jeremias 37:17

Ne mibpeveyaan sikandin ni Hadì Zedekia ne impezuma zin diyà te turuǥan. Mid-insaan sikandin ni Zedekia te meelas. Ke sikandin te, “Duen be menge lalag nu he ebpuun diyà te Nengazen?” Ne midtavak si Jeremias te, “Uya, duen. Ibeǥey ka ziyà te hadì te Babilonia.”

Jeremias 32:3

Impepirisu sikandin ni Hadì Zedekia tenged te migkaǥi sikandin te, “Iyan heini migkaǥi te Nengazen: Ibeǥey ku heini he inged diyà te hadì te Babilonia, ne egkaaǥew zin heini.

Jeremias 32:28

Umbe, ibeǥey ku heini he inged diyà te menge tig-Babilonia wey ziyà te hadì dan he si Nebucadnezar, ne egkaaǥew zan heini.

Jeremias 34:4

Piru pemineǥa nu, Hadì Zedekia, heini is idsaad ku kenikew: Kenè ka ebpatey te tebek,

Ezekiel 17:15

Piru midsukul is hadì te Juda te hadì te Babilonia pinaaǥi te kedsuǥù te menge etew pehendiyà te Ehipto te kedhangyù te menge kudà wey mahabet he menge sundaru. Edlampus be sikandin? Egkelikayan din be wey egkepeleǥuyan is silut kandin tenged te kedrapas din te neuyunan dan te hadì te Babilonia?

Jeremias 38:23

“Is langun he menge esawa nu wey menge anak nu ebihaǥen te menge tig-Babilonia. Sikew mismu ne kenè ka ebpekelikey kandan; ebihaǥen ka te hadì te Babilonia, ne ebinsulan dan heini he inged.”

Ezekiel 17:16

Kenà! Su siak, is uuyag he Nengazen he MEGBEVAYÀ, nenangdù a he heini is hadì te Juda, siguradu he ebpatey ziyà te Babilonia, su midrapas din is uyun he mibpenengduan din diyà te hadì te Babilonia he iyan ingkehimuwa kandin he hadì.