Jeremias 33:2 - Manobo Western Bukidnon OT

² Iyan heini migkaǥi te Nengazen he midlimbag wey mibpelastar te kelibutan. Iyan sikandin mibpurma kayi, ne Nengazen is ngazan din:

Jeremias 33:2 Referans Kwoze

Isaias 37:26

“Tutuu iyan he mibpemengkag nu is binerengbeng he menge inged. Piru wazè nu ve metueni he siak, is Megbevayà, neuǥet en he imbanglis ku is kegkeul-ulaha kayi? Neuǥet en diyà te pelanu ku is kegkeul-ulaha kayi ne ǥuntaan edtumanen ku en heini.

Exodus 15:3

Beǥani is Nengazen; Nengazen is ngazan din.

Exodus 6:3

Hein mibpaahà a ki Abraham, ki Isaac, wey ki Jacob, nesavut dan he iyan a is Mekeǥeǥehem he Megbevayà. Iyan, wazà a mekepekilala kandan pinaaǥi te ngazan ku he Nengazen.

Isaias 62:7

Kenè kew engked he edhangyù diyà te kandin he umana zin benguna is Jerusalem ne himuwa zin he egkezeliǥan heini kayi te kelibutan.

Isaias 43:21

Iyan heini menge etew he midlimbag ku su para mehimu he kediey, wey para deliǥa e zan.

Isaias 43:1

Piru ǥuntaan iyan heini egkeǥiyen te Nengazen, he midlimbag kenikew, He Israel: “Kenè ka mahandek su edlibriyen ku sikew, ngazan nu is in-umew ku kenikew, ne ǥaked ku sikew.

Isaias 14:32

Hengkey is idtavak tew te menge menunudtulà he ebpuun te Filistia? Egkeǥiyan tew sikandan te, “Is Nengazen iyan mibangun te Jerusalem, ne dengepà heini te menge etew zin he nengerasey.”

Salmo 102:16

Su ed-umanan ebenguna te Nengazen is Zion; ne ibpeehè din is mekeǥeǥehem he kebpekiduma zin.

Salmo 87:5

Tutuu he egkekaǥi heini mehitenged te Zion, he mahabet he menge etew is kenà tig-Zion he ed-isipen he hustu en he tig-Zion. Ne iyan edlig-en kayi he inged is Utew Lavew he Megbevayà.

Amos 9:6

Iyan is Megbevayà mibaal te keugelingen din he ubpeey ziyà te langit. Su iyan sikandin mibaal te hewhewanan diyà te zivavew te tanà. Iyan sikandin midtiǥum te wahig te zaǥat diyà te menge ǥapun ne impeuzan din heini ziyà te tanà. Is ngazan din iyan is Nengazen.

Amos 5:8

Is Megbevayà iyan midlimbag te menge grupu te menge vituen he migngezanan te Penikapan wey Belatic. Iyan sikandin mibpedliwà te merusirem wey merayag, wey maandew wey mezukilem. Iyan sikandin midtiǥum te wahig te zaǥat diyà te menge gapun ne ibpeuzan din heini ziyà te tanà. Is ngazan din iyan is Nengazen.

Jeremias 32:18

Impeehè nu is kebmahala nu te linibu he menge etew, piru midsilutan nu is menge anak tenged te salà te menge ginikanan dan. Utew ka mekeǥeǥehem he Megbevayà. Iyan ngazan nu is Nengazen he Mekeǥeǥehem.

Jeremias 10:16

Piru kenà mulà iring keniyan is Megbevayà ni Jacob. Iyan sikandin mibaal te langun, ragkes en is Israel, he iyan kes menge etew he migaked din. Nengazen he Mekeǥeǥehem is ngazan din.

Jeremias 16:21

Migkaǥi is Nengazen te, “Umbe ibpeehè ku kandan is gehem ku wey ebilidad ku su wey zan metueni he iyan a Nengazen.”

Jeremias 51:19

Piru kenà mulà iring keniyan is Megbevayà ni Jacob. Iyan sikandin mibaal te langun, ragkes en is menge etew he migaked din. Nengazen he Mekeǥeǥehem is ngazan din.

Isaias 42:8

Iyan a Nengazen, iyan heeyan ngazan ku! Kinahanglan he kenà ibeǥey ziyà te minsan hentei is kediey he zengeg wey kenà idalig diyà te zuma he menge ed-ezapen is kedalig he para kediey.