Jeremias 32:10 - Manobo Western Bukidnon OT

¹⁰ Mibpirmahan ku wey midtetakan is pepilis te kebpemasa ku ziyà te etuvangan te menge tistiǥus. Ne midtimbang ku haazà is pelata ne imbayad ku ki Hanamel.

Jeremias 32:10 Referans Kwoze

Jeremias 32:44

“Uya, egkehitavù ded is kebeyazi te menge etew te pelata te menge vevesukà. Ebaal sikandan te kesebutan. Ebpirmahan, edtetakan is menge pepilis, ne edtistiǥusan. Egkeulaula heini ziyà te menge tanà ni Benjamin, wey ziyà te zezeisey he menge inged he nekeliǥuy te Jerusalem, malù dezekelà he menge inged diyà te Juda, wey te menge inged diyà te menge vuvungan, diyà te inged te menge mibuntud-buntud diyà te edsenlepan, wey ziyà te inged he Negev. Ibpelikù ku is menge etew ku wey ibpeuswag ku sikandan ibpeuman. Iyan a, is Nengazen, is migkaǥi kayi.”

Jeremias 32:12

Ne imbeǥey ku haazà diyà te ki Baruc he anak ni Neria wey apù ni Masea, diyà te etuvangan ni Hanamel he id-aǥew ku wey te menge tistiǥus he nemirma zutun te pepilis, wey ziyà te etuvangan te menge Judio he ebpemimpinuu zutun te ubpeey te menge vantey.

Jeremias 32:25

Piru minsan pa te iyan heini, Nengazen he MEGBEVAYÀ, midsuǥù a kenikew te kebpemasa te vevesukà he ebeyazan heini te pelata ziyà te etuvangan te menge tistiǥus, Minsan pa te hapit en egkaaǥew te menge tig-Babilonia heini is inged.”

Isaias 44:5

Duen egkaǥi te, ‘Gaked a te Nengazen,’ ne is duma egkaǥi te, ‘Kevuwazan a ni Jacob.’ Duen daan idsurat dan diyà te menge velad dan is ngazan te Nengazen, ne ed-isipen dan is keugelingen dan he ragkes sikandan te menge Israilihanen.

Job 14:17

Henduen dà te idtaǥù nu heini ziyà te teleǥuey su wey mekeeles ne kenè nu en egkaahà.

Deuteronomio 32:34

Nesayud is Nengazen ke hengkey is ebeelan dan, ne ibpelavey zin en dè pa haazà su idtaǥad din ke egkeuma is midtendek din he timpu te kedsilut kandan.

Daniel 8:26

“Daniel, tutuu is migkaǥi ku kenikew he mehitenged te kebpeengkezi te meselem wey mahapun he kebpemuhat. Piru kenè nu en dèpa tudtula heini su egkeuǥet pa egkehitavù.”

Isaias 30:8

Migkaǥi is Nengazen kayi te kedì te, “Genat ka, isurat nu ziyà te libru is egkeǥiyen ku he ebpekesuǥat te menge Israilihanen su wey zuen pengintutuu ziyà te menge etew te huziyan he timpu. Egkehimu heini he wazè din pidtemanan he pengintutuu te kelelalung dan.

Solomon 8:6

Kenè ke en mahal te zuma, kekenà, iyan e zà kenikew mahala. Kenè ke en kepkep te zuma, kekenà, iyan e zà kenikew kepkepi. Su is kebmahal, iring is gehem din te kemetayen; is keinit te egkeǥezam ta ne kenà egkeeǥen iring te kebpekeuma te kemetayen. Is kebmahal iring te egkeregreg wey edriyubriyub he hapuy.

Josue 18:9

Umbe, migenat haazà is menge etew te kedsusi zuen te tanà. Ne mibaal zan te mapa kayi he ebpaahà he pitu he vahin haazà is tanà. Ne inlista zan is dezekelà wey malù dezekelà he menge inged he nesakup te kada senge vahin. Ne kegkepasad dutun midlikù dan diyà te ki Josue ziyà te Shilo.

Genesis 23:16

Ne mid-uyun dutun si Abraham sumalà is migkaǥi ni Efron, ne midtimbang din is 400 he vuuk he pelata sumalà is keveǥat he neuyunan he zaan te menge nigusyanti zutun. Ne imbayad din heini ki Efron dutun te etuvangan te menge Hitihanen.

Genesis 23:20

Umbe, is bevesukà ragkes is surung he iyan dengan teǥiǥaked kayi is menge Hitihanen, nehimu en heini he ki Abraham, ne midhimu zin heini he penlevengè din.

Ruth 4:1

Ne si Boaz, diyà sikandin medtandang te husayan he ziyà te pultahan dutun te inged ne zutun sikandin mebpinuu. Ne zutun nekeuma haazà is etew he migkaǥi ni Boaz he iyan sikan is mesipeg te esawa ni Ruth. Ne mid-umew sikandin ni Boaz, ke sikandin te, “Geli, uvey ka kayi ne pinuu ke zèpa.” Ne zutun mid-uvey haaza is etew ne mibpinuu.