Jeremias 27:15 - Manobo Western Bukidnon OT

¹⁵ Iyan heini migkaǥi te Nengazen: ‘Wazè ku suǥùa heeyan is menge ebpeneuven. Edheǥeten dan is tarù he egkeǥiyen dan pinaaǥi te kegemita zan te ngazan ku. Umbe emun edtuu kew kandan, ne edsegseǥen ku sikiyu wey edezeetan, ragkes en heeyan is menge ebpeneuven.’ ”

Jeremias 27:15 Referans Kwoze

Jeremias 27:10

Tarù is egkeǥiyen dan diyà te keniyu su pinaaǥi kayi, egkengaawè kew kayi te tanè niw. Edsegseǥen ku sikiyu wey edezeetan.

2 Cronica 25:16

Dutun te kemulu pa egkaǥi haazà is ebpeneuven, ne midtavak haazà is hadì te, “Maan is edsembaǥan a kenikew? Midhimu ku ve sikew he peresambag? Mebpereremek ka, emun kenè ka egkesuat he ebpatey.” Umbe, mibpereremek haazà is ebpeneuven hein nekepasad sikandin he egkaǥi kayi: “Siguradu he edèdeetan ka te Megbevayà tenged te mid-azap nu is duma he menge ed-ezapen ne wazè ka mebpemineg kedì.”

Jeremias 29:9

su edtarùtarù sikandan ne egemiten dan is ngazan ku. Wazè ku sikandan suǥùa.

Jeremias 23:21

Wazè ku suǥua heini he menge ebpeneuven, piru migenat sikandan gihapun. Wazè ku sikandan lelaǥi, piru nenagnè dan ded.

Jeremias 23:15

“Umbe siak, is Nengazen he Mekeǥeǥehem, migkaǥi a mehitenged kayi te menge ebpeneuven te: Ibpekaan ku sikandan te mepait he menge keenen wey ibpeinum ku te inumen he edsehuǥan te hilu; su tenged kandan midelandap en is kelelalung keniyan te tivuuk he tanà.”

Jeremias 20:6

Ne minsan sikew Pashur, wey is tivuuk he pemilya nu, ebihaǥen diyà te Babilonia. Diyè ka ebpatey te Babilonia wey idleveng, ragkes is langun he menge emiǥu nu he tarù is tagnè nu mehitenged kandan.”

Jeremias 23:25

“Nezineg ku is tarù he mibpengaǥi te menge ebpeneuven he midheǥet dan pinaaǥi te ngazan ku. Egkaǥi sikandan te, ‘Duen menge lalag he migkaǥi te Nengazen diyà te kenami pinaaǥi te teǥeinep!’

Jeremias 29:8

Migkaǥi pa is Nengazen he Mekeǥeǥehem, he Megbevayà te Israel te, “Kenè kew peuwit te menge ebpeneuven wey menge menenagnà he ziyà te keniyu. Kenè niw zaan tuuwi is menge teǥeinep dan,

Jeremias 14:14

Midtavak is Nengazen, “Ne haazà he menge ebpeneuven tarù is menge tagnè dan pinaaǥi te ngazan ku. Wazè ku sikandan suǥùa, ne wazà a mebpekidlalag kandan. Is inseysey zan keniyu he nengelewasan dan ne kenà diyà ebpuun te kediey; is menge tagnè dan he wazè din pulus diyè dà ebpuun te limbungan he isip dan.

Jeremias 38:22

Is langun he menge vahi he nesamà diyà te turuǥan nu ed-uwiten te menge upisyal te hadì te Babilonia. Heini he menge vahi, egkaǥi sikandan diyà te kenikew te, ‘Midtuntu ke zà te utew nu menge emiǥu. Guntaan te nekeleveng en diyà te basak is menge paa nu, ne mid-ewaan ke zan.’