Jeremias 24:8 - Manobo Western Bukidnon OT

⁸ “Piru ed-isipen ku he iring te mezaat he menge higus he kenà egkekaan si Hadì Zedekia he hadì te Juda wey is menge upisyal zin, wey is menge Israilihanen he egkesamà he uuyag keniyan te Jerusalem wey sikan is diyà te Ehipto.

Jeremias 24:8 Referans Kwoze

Jeremias 43:1

Ne hein neipus ni Jeremias te egkaǥi is langun he migkaǥi te Nengazen he Megbevayè dan mehitenged kandan,

Jeremias 37:17

Ne mibpeveyaan sikandin ni Hadì Zedekia ne impezuma zin diyà te turuǥan. Mid-insaan sikandin ni Zedekia te meelas. Ke sikandin te, “Duen be menge lalag nu he ebpuun diyà te Nengazen?” Ne midtavak si Jeremias te, “Uya, duen. Ibeǥey ka ziyà te hadì te Babilonia.”

Jeremias 24:2

Is menge higus diyà te sevaha he vaskit utew memeupiya wey nengelutuan. Piru is menge higus duen te sevaha pa he vaskit ne memezaat ne kenà egkekaan.

Jeremias 37:10

Minsan egkezaag niw pa is langun he menge sundaru he edsurung keniyu, ne iyan dà egkesamà kandan is menge teǥepalì he ziyà te menge tulda zan, edsurung gihapun sikandan kayi te inged, ne ebinsulan dan heini.’ ”

Jeremias 24:5

“Siak is Nengazen he Megbevayà te Israel, egkaǥi a te ed-isipen ku he iring te meupiya he menge higus is menge Israilihanen he impevihag ku ziyà te Babilonia.

Jeremias 21:10

Nekehukum ad he ibpaaǥi ku kayi te inged is kezeetan ne kenà keupiyaanan. Ibeǥey ku heini ziyà te hadì te Babilonia ne ebinsulan din heini.’

Jeremias 44:1

Migkeǥiyan te Nengazen is menge Israilihanen diyà te Ehipto he ziyà med-ubpà te zizaya he vahin te Ehipto he iyan is menge inged diyà te Migdol, Tapanhes, wey Memfis, ragkes daan is diyà te zivavà he vahin te Ehipto.

1 Cronica 3:15

Iyan heini sikandan menge anak ni Josia: is kinekekayan si Johanan, is ikezuwa si Jehoyakim, is iketulu si Zedekia, ne is ikeepat si Shalum.

Jeremias 13:7

Umbe, midhendiyà a te Perath, ne migkuwa ku kes bahag diyà te mid-elesan ku zuen, piru merunut en heini ne kenè en egkeǥamit.