Jeremias 24:7 - Manobo Western Bukidnon OT

⁷ Idsavuk ku ziyà te ǥehinawa zan is tinguhà te kegkilala kediey te Nengazen dan. Egkehimu sikandan he menge etew ku ne egkehimu a he Megbevayè dan, su edlikù sikandan kayi te kediey te kedlikù he ebpuun diyà te gehinawa zan.

Jeremias 24:7 Referans Kwoze

Jeremias 30:22

Egkehimu sikandan he menge etew ku ne egkehimu a he Megbevayè dan.

Ezekiel 37:23

Kenè dan en ed-umanan edremeriki is keugelingen dan pinaaǥi te ked-azap te mezaat he menge ed-ezapen dan, wey kebaal te minsan hengkey he salà, su edlibriyen ku sikandan te langun he menge salè dan, ne edlumpiyuwan ku sikandan. Egkehimu sikandan he menge etew ku ne egkehimu a he Megbevayè dan.

Zacarias 8:8

Ed-umanan ku sikandan ed-uwita ziyà te Jerusalem ne ibpeubpè ku zutun. Ne egkehimu en maan sikandan he menge etew ku ne egkehimu a he Megbevayè dan he metinumanen wey metazeng.”

1 Samuel 7:3

Migkeǥiyan sikandan ni Samuel te, “Emun tutuu is kedlikù niw ziyà te Nengazen, itimbag niw heeyan is menge ed-ezapen niw apil heeyan is ledawan ni Ashtoret, ne pevayàbayè kew te Nengazen ne iyan dà sikandin silbiyi niw. Emun ebeelan niw heini ne edluwasen kew zin dutun te menge Filistihanen.”

Ezekiel 37:27

Ed-ubpà a he zuma zan. Egkehimu a he Megbevayè dan, ne egkehimu sikandan he menge etew ku.

Zacarias 13:9

Is egkesamà he iketelu he vahin, ne edlumpiyuwan ku he iring te pelata he edhimuwen he lunsey pinaaǥi te hapuy. Ne egezaman ku sikandan iring te kegezam te kegkelunsey te vulawan he pinaaǥi te hapuy. Ed-ampù dan kayi te kedì ne ebpemineǥen ku sikandan. Egkaǥi a te, ‘Menge etew ku sikandan,’ ne egkaǥi zaan sikandan te, ‘Is Nengazen iyan Megbevayè dey.’ ”

Jeremias 3:10

Minsan pa kayi te langun, kenà tinutuuwà is kedlikù te meluiven he Juda kayi te kedì. Uvag-uvag dà is kedlikù din kayi te kedì. Iyan a, is Nengazen, is migkaǥi kayi.”

Isaias 51:16

Impenurù ku keniyu is ereg he egkeǥiyen niw, wey ebpengelangan ku sikiyu pinaaǥi te ǥehem ku. Iyan a mibpelastar te langit wey midsavuk te menge midtukuzan te kelibutan, wey iyan a migkaǥi ziyà te Jerusalem te, ‘Gaked ku sikew.’ ”

2 Cronica 6:38

pemineǥa nu is menge kebpengemuyù dan. Ne emun ebpekid-uliey sikandan kenikew te ebpuun te tivuuk he ǥehinawa zan wey isip dan diyà te lugar he zutun dan bihaǥa, ne ebpengemuyù dan he ed-etuvang kayi te tanà he imbeǥey nu te menge kepuun dan, he iyan heini is inged he mibpilì nu, wey heini is baley nu he midtukud ku para te zengeg nu,

Salmo 119:2

Utew zeyzey is menge etew he edsunud te menge penurù te Megbevayà, ne ebpezumazuma kandin te kebpezumazuma he ebpuun diyà te tivuuk he ǥehinawa zan.

Jeremias 7:23

kekenà, midsuǥù ku zaan sikandan he ke siak te: ‘Pezumdumahi a keniyu, ne egkehimu a he Megbevayè niw ne egkehimu kew he menge etew ku. Pengungubpaan kew te sungkad te menge paaǥi he insuǥù ku keniyu su wey mebmeupiya is kebpekesavuk niw.’

Jeremias 11:4

Heini he menge sulunuzen impetuman ku te menge kepuun niw hein impeǥawas ku sikandan diyà te Ehipto, he iyan kes lugar he iring keinit te rapug. Migkeǥiyan ku sikandan te, ‘Emun ebpezumdumahan a keniyu wey edtumanen niw is langun he menge suǥù ku, egkehimu kew he menge etew ku, ne egkehimu a he Megbevayè niw.

Jeremias 29:10

Iyan a, is Nengazen, migkaǥi he emun egketapus en is 70 he tuig he kebpensakup te Babilonia, ne edlikuan ku sikiyu ne edtumanen ku is insaad ku he idlikù ku sikiyu ziyà te keniyu he lugar.

Ezekiel 14:11

Ebeelan ku heini su wey kenà med-awà kayi te kedì is menge Israilihanen, ne kenè dan en edremerikan is keugelingen dan pinaaǥi te kebaal te salà. Egkehimu sikandan he menge etew ku, ne egkehimu a he Megbevayè dan. Iyan a, is Nengazen he MEGBEVAYÀ, is migkaǥi kayi.”

Ezekiel 16:62

Edlig-enan ku is kebpekid-uyun ku kenikew, ne egketuenan nu he iyan a Nengazen.

Ezekiel 39:22

Puun dutun he timpu, egketuenan te menge etew te Israel he iyan a is Nengazen Megbevayè dan,

Ezekiel 11:17

Umbe siak, is Nengazen he MEGBEVAYÀ migkaǥi a he ed-umanan ku sikiyu edtiǥuma puun te menge nasyun he zutun kew mekepeyapat, ne id-uman ku ibeǥey keniyu is tanà he Israel.

Hoseas 2:22

is menge trigu, paras, wey ulibu para keniyu te migngezanan te Jezreel.