Jeremias 22:16 - Manobo Western Bukidnon OT

¹⁶ Midlevanan din is ketenged te menge pubri wey egkengeey-eyuwan, umbe midlampus sikandin. Iyan heeyan hustu he paaǥi te kedtehuza kedì te Nengazen.

Jeremias 22:16 Referans Kwoze

Jeremias 9:24

Iyan ereg he ibpegalbu zin is kegkesevuta zin wey kegkekilelaa zin kedì he iyan a Nengazen he mepinelenggaan; iyan a ebaal te hustu wey metazeng kayi te kelibutan su iyan heini ebpekelipey kediey.”

Isaias 1:17

Penginenau kew te kebaal te meupiya, wey iyan niw ikula is hustu he kukuman. Dewaya niw is menge ebpemeǥespeǥes, wey levani niw is ketenged te menge ilu wey menge valu he vahi.”

Jeremias 9:16

Ibpeyapat ku sikandan diyà te zuma he menge nasyun he wazè dan duen hanew wey is menge kepuun dan. Ibpezal-as ku sikandan te menge kuntada zan taman te egkaamin sikandan egkepatey.”

Salmo 109:31

Su edlevanan din is menge etew he pubri, su para melibri sikandan te edhukum kandan te kemetayen.

Salmo 9:10

Edsarig kenikew is menge etew he nekekilala kenikew. Su wazè pa mid-aput diyà te kenikew he wazè nu zewata.

Jeremias 5:28

Midlambù dan wey mibmeupiya is lawa zan. Kenè en edtaman is kebaal zan te mezaat. Wazè dan beǥayi te hustu he kukuman is menge ilu, wazè dan depiǥi is ketenged te menge pubri he menge etew.

1 Cronica 28:9

“Ne sikew, Solomon he anak ku, kilelaa nu wey silbiyi nu is Megbevayà te amey nu te tivuuk he ǥehinawa nu wey isip nu, su naahà te Nengazen is kada ǥehinawa wey netuenan din is tuyù tew wey ked-isip-isip tew. Emun ed-aput ka ziyà te kandin, ne edtevangan ke zin; piru emun ed-iniyug ka kandin ne ebeleǥazen ke zin te wazà pidtemanan.

Jeremias 9:3

Migkaǥi is Nengazen te, “Menge tarù is egawas diyà te vèbà te menge etew ku he iring te panà he andam en he ibpanà. Tarù is egkeseksiyan kayi he tanà ne kenà tutuu. Midsubre en is kebaal zan te salà, ne wazè e zan kilelaa.

1 Samuel 2:2

Wazà ebpekeiring te Nengazen su waǥas sikandin. Wazà ebpekerepeng kandin. Wazà eputà he vatu he iring te Megbevayè tew.

Salmo 36:10

Ipedayun nu is kebmahala nu te menge etew he migkilala kenikew. Ipedayun nu is kebaal nu te meupiya ziyà te menge etew he midtinazeng.

Erubasa 31:9

Emun egkukum ka ne ipeikul nu te hustu he kukuman, ne levani nu is ketenged te menge pubri.

Micas 6:8

Midtavak si Micas te, “Mibpenurù kiw en te Nengazen ke hengkey is meupiya. Ne iyan heini egkesuatan din he tumana tew: Ebeelan tew ke hengkey is metazeng, ibpelavi tew is kegkehizu te zuma, wey edsunud kiw te Megbevayè tew duma is kenà kebpelavew.”