Jeremias 21:1 - Manobo Western Bukidnon OT

¹ Mibpekidlalag is Nengazen pinaaǥi ki Jeremias hein si hadì Zedekia, he hadì te Juda, midsugù din diyà te ki Jeremias si Pashur he anak ni Malkia wey is memumuhat he si Zefanias he anak ni Maasea. Ne migkaǥi sikandan diyà te ki Jeremias te,

Jeremias 21:1 Referans Kwoze

Jeremias 37:3

Ne midsuǥù ni Hadì Zedekia si Jehucal he anak ni Shelemia wey is memumuhat he si Zefanias he anak ni Maasea he medhendiyà te ki Jeremias he ebpeneuven, ne hengyui zan sikandin he mebpengemuyù diyà te Nengazen he Megbevayè dan para kandan.

Jeremias 52:24

Mibihag daan ni Nebuzaradan si Seraya he lavew he memumuhat, si Zefanias he ebpeketinundug is kegkelavew zin ki Seraya, wey is tetelu he perevantey te ǥemawan te valey te Nengazen.

Jeremias 38:1

Nekezineg si Shefatia he anak ni Matan, si Gedalia he anak ni Pashur, si Jehucal he anak ni Shelemia, wey si Pashur he anak ni Malkia te migkaǥi ni Jeremias diyà te menge etew te, “Migkaǥi is Nengazen te

Jeremias 37:1

Midhimu ni Hadì Nebucadnezar he hadì te Babilonia si Zedekia he anak ni Josia he hadì te Juda he ilis ki Jehoyakin he anak ni Jehoyakim.

1 Cronica 9:12

Ne elin daan nekelikù, si Adaya he anak ni Jeroham (si Jeroham ne anak ni Pashur; si Pashur ne anak ni Malkia), si Maasai ne anak ni Adiel (si Adiel ne anak ni Jazera; si Jazera ne anak ni Meshulam; si Meshulam ne anak ni Meshilemit; si Meshilemit ne anak ni Imer).

Nehemias 11:12

is duma zan he edterebahu ziyà te valey te Nengazen 822 he menge maama; si Adaya he anak ni Jeroham (si Jeroham anak ni Pelalia; si Pelalia anak ni Amzi; si Amzi anak ni Zacarias; si Zacarias anak ni Pashur; ne si Pashur anak ni Malkia);

1 Cronica 3:15

Iyan heini sikandan menge anak ni Josia: is kinekekayan si Johanan, is ikezuwa si Jehoyakim, is iketulu si Zedekia, ne is ikeepat si Shalum.

2 Cronica 36:17

Impesurung din sikandan te menge tig-Babilonia. Mibpenhimetayan te menge tig-Babilonia is betan-en he menge maama kandan minsan ed-aput pa ziyà te valey te Nengazen. Wazè dan kegkehizu te minsan hentei maama etawa bahi, batà etawa meǥurang, deruwanen etawa kenà. Imbeǥey te Megbevayà is langun he menge etew zin diyà te ki Nebucadnezar.

Jeremias 29:29

Ne hein nezawat ni Zefanias he memumuhat haazà is surat ni Shemaya, mibasa zin haazà diyà te ki Jeremias he ebpeneuven.

Jeremias 37:17

Ne mibpeveyaan sikandin ni Hadì Zedekia ne impezuma zin diyà te turuǥan. Mid-insaan sikandin ni Zedekia te meelas. Ke sikandin te, “Duen be menge lalag nu he ebpuun diyà te Nengazen?” Ne midtavak si Jeremias te, “Uya, duen. Ibeǥey ka ziyà te hadì te Babilonia.”

Jeremias 38:14

Dutun impetawag ni Hadì Zedekia si Jeremias diyà te iketelu he ǥemawan te valey te Nengazen. Migkaǥi si Zedekia ziyà te ki Jeremias te, “Duen ku id-insà kenikew, ne iyan suat ku he keǥiya nu kayi te kediey is tutuu.”

2 Hadì 22:13

“Insai niw is Nengazen para kedì wey para te menge etew kayi te Juda vahin kayi te ingkesurat kayi te libru he naahà. Dekelà is pauk te Nengazen kenitew su wazà medtuman is menge kepuun tew te ingkesurat kayi te libru, he ibpetuman daan kenitew.”

Jeremias 35:4

Miduma ku sikandan diyà te valey te Nengazen, diyà te ruǥu te menge anak he maama ni Hanan he anak ni Igdalia te suluǥuen te Megbevayà. Heini he ruǥu avey te ruǥu te upisyal ne ziyà heini te zivavew te ruǥu ni Maasea he anak ni Shalum, he vantey te ǥemawan te valey te Nengazen.