Jeremias 20:12 - Manobo Western Bukidnon OT

¹² He Nengazen he Mekeǥeǥehem, netuenan nu ke hentei is metazeng. Netuenan nu is gehinawa wey isip te etew. Ipeehè nu kedì is penimales nu kandan, su insarig ku kenikew is kasu ku.

Jeremias 20:12 Referans Kwoze

Jeremias 11:20

Piru mid-ampù a, ke siak te, “He Nengazen he Mekeǥeǥehem, metazeng is kedhukum nu wey nesayud ka te isip wey gehinawa te etew. Ipeehè nu kedì is kebelesi nu kandan, su insarig ku kenikew is kasu ku.”

Salmo 62:8

Sikiyu is menge etew te Megbevayà, sarig kew kandin te langun he timpu! Keǥiya niw ziyà te kandin is langun he igkeǥiyaǥiya niw su iyan sikandin kelasag tew.

Salmo 54:7

Su ibpelingkawas a kenikew te langun he kelised ku, ne egkeehè ku is kegkezeeǥa te menge kuntada ku.

Jeremias 17:10

Iyan a, is Nengazen, netau a te gehinawa wey isip te etew. Ebelesan ku is etew sumalà te vetasan din wey menge ulaula zin.

Salmo 59:10

ne iyan ka Megbevayà he mibmahal kedì. Iyan ka huna kedì ne ipeehè nu kedì is kegkezaaǥa te menge kuntada ku.

Salmo 139:23

Susiya a kenikew, Megbevayè ku, su para metueni nu is kayi te ǥehinawa ku. Gezami a, su para metueni nu is ed-isipen ku.

Salmo 7:9

Kenè nu ituǥut he ebpedayun is ulaula te mezaat he menge etew, ne tuvazi is menge metazeng, su metazeng ke man he Megbevayà, wey egkesusi nu is isip dey wey gehinawa zey.

Jeremias 17:18

Peel-elezi nu wey pelihendeka nu is menge edtinguhà te kezeetan ku, ne kenà a mulà. Ipeseǥazi nu kandan is kezeetan su para mengezeeti sikandan is langun.

Isaias 37:14

Ne hein nepasad ni Hezekia te ebasa is surat he imbeǥey kandin duen te menge menunudtulà, midhendiyà sikandin te valey te Nengazen ne mibekar zin haazà is surat diyà te etuvangan te Nengazen.

Salmo 17:3

Minsan is gehinawa ku ke mezukilem ne midsusi nu. Migezaman a kenikew ne wazè nu naahà he mezaat kayi te kediey. Midisisyun a he kenà a egkaǥi te mezaat

Salmo 11:5

Edsusiyen din is menge metazeng wey is menge lalung he menge etew. Ne egkeepesan din is menge mesipala.

Jeremias 12:8

Midsukul zan kediey he iring te edhiniǥer he erimaung diyà te ketelunan, umbe egkeepesan ku sikandan.

Isaias 38:14

Mibpetavang a he is laǥeng ku henduen be te kegkaǥi te tagbis he sayaw etawa dugwak. Midag-es a he is laǥeng ku henduen be te kegkaǥi te merepatik. Neveley is menge mata ku te kedlingehè ku ziyà te langit. Ke siak te Nengazen, tevangi a kayi he kelised.

Salmo 86:4

Lipaya a kenikew, Nengazen, is suluǥuen nu su ziyà a te kenikew med-ampù.

2 Cronica 24:22

Midlipatan ni Hadì Joash is kebpurungi kandin ni Jehoyada, he amey ni Zacarias, kekenà, mibpehimetayan din si Zacarias. Ne hein egkevidtawan en sikandin, ne ke sikandin te, “Berakat he seǥipaa te Nengazen is ebeelan niw, ne iyan sikandin mebales keniyu.”

1 Samuel 1:15

Migkaǥi si Hana te, “Kenà a egkelangut, datù, wey wazà a keenu mekeinum te ebpekelangut he inumen. Egkeǥiyen ku zà diyà te Nengazen is utew mereǥen he egkeǥezam ku.

Salmo 58:10

Egkelipey is menge metazeng emun egkeehè dan he edsilutan nu is menge lalung ne ebpematey sikandan.