Jeremias 2:7 - Manobo Western Bukidnon OT

⁷ Mid-uwit ku sikiyu ziyà te meupiya he tanà su wey niw mepulusi is meupiya he menge sebpet kayi. Iyan, hein nekeuma kew zuen, pinaaǥi te menge salè niw, midremerikan niw haazà is tanà he ǥaked ku, ne midhimu niw heini he utew meremerik.

Jeremias 2:7 Referans Kwoze

Jeremias 16:18

Umbe, edtekepen ku is ibpevayad ku kandan tenged te kelelalung dan wey menge salè dan, su midremerikan dan is tanè ku pinaaǥi te mezaat wey wazè din untung he menge ed-ezapen.”

Numero 13:27

Migkeǥiyan dan si Moises te, “Midhendiyè key te lugar he impesusi nu kenami, meupiya heini wey selebpeten he tanà. Heini zed is nekuwa zey he menge prutas.

Ezekiel 36:17

“Sikew is etew, hein ed-ubpè pa is menge Israilihanen diyà te tanè dan, midremerikan dan heini pinaaǥi te mezaat he menge vaal zan. Is baal zan iring keremerik te vahi he midlengesahan.

Jeremias 3:9

Ne tenged te wazè din beliya is kebpekimaama he iyan is ked-azap te zuma neremerikan din is tanà pinaaǥi te ked-azap din te menge ed-ezapen he vatu wey kayu.

Jeremias 3:1

“Emun edsuwayan te maama is esawa zin ne mibpeuman mebpeesawa, ne kenè din en haazà ed-umanan ed-esewaa su utew heini ebpekeremerik te tivuuk he tanà. Piru sikiyu is menge Israilihanen nengungubpaan kew he iring te vahi he ebelegyà te zengeg din. Mahabet is menge ed-ezapen he mibmahal niw. Piru minsan pa te iyan haazà, mid-umew ku pa ǥihapun sikiyu te kedlikù kayi te kedì. Iyan a, is Nengazen, is migkaǥi kayi.

Micas 2:10

Ne ǥuntaan awè kew kayi te Israel su heini he lugar kenè ne ebpekeveǥey keniyu te egkehimelayan, su midremerikan niw heini te menge salè niw. Egkezeetan heini he lugar ne kenè ne egkepulusan.

Ezekiel 20:6

Ne zutun daan he timpu nenangdù a he ibpeǥawas ku sikandan puun te Ehipto ne ed-uwiten ku sikandan diyà te tanà he mibpilì ku para kandan–meupiya wey selebpeten he tanà, kineupiyahan te langun he tanà.

Nehemias 9:25

Mid-aǥew te menge etew nu is binerengbeng he menge inged wey is selebpeten he menge tanà. Mid-aǥew zan daan is menge valey he nezengkuuran te meupiya he menge azen, menge teheb, menge pemuleey te paras, menge pemuleey te ulibu, wey zuma pa he ebpemeǥas he menge kayu he utew mahabet. Migkaan sikandan ne nahantey zan ne mibmeupiya is lawa zan. Nelipey sikandan tenged te utew nu kebpurungi kandan.

Deuteronomio 21:23

kinahanglan he kenà egkepewaan is lawa zin dutun te kayu. Kinahanglan he idleveng niw heini zutun dà te andew te kedhimetayi zuen, su is minsan hentei he imbitey ziyà te kayu ne midrewakan te Megbevayà. Kenè niw remeriki is tanà he ibeǥey keniyu te Nengazen he Megbevayè niw he egkepengevilin niw.

Deuteronomio 6:18

Beeli niw is mid-isip te Nengazen he hustu wey meupiya su para mebmeupiya is kebpekesavuk niw ne egkaangken niw sikan is meupiya he tanà he impenangdù din diyà te menge kepuun niw.

Jeremias 3:2

“Tengtengi niw is demilag te menge vuvungan. Duen pe be lugar zutun he wazè niw meremeriki? Midremerikan niw is tanà pinaaǥi te ked-azap niw te zuma he menge ed-ezapen wey menge kelelalung niw. Iring kew te vahi he ebelegyà te zengeg din he ebpimpinuu ziyà te kilid te zalan is edtaǥad te maama. Iring kew zaan te tulisan he ed-ayan te egkeizen din.

Jeremias 32:23

Naangken dan heini piru wazè dan medtuman te kesuǥuan nu. Wazè dan beeli is langun he ebpeveelan nu kandan. Umbe impaaǥi nu ziyà te kandan heini is kezeetan.

Jeremias 32:30

“Puun pa zengan wazà duma he vaal te menge etew ziyà te Israel wey Juda, kekenà, pudu kebaal te salà. Midhimu zan he mepauk a pinaaǥi te menge vaal zan.

Ezekiel 20:28

Su hein mid-uwit ku sikandan diyà te tanà he insaad ku he ibeǥey ziyà te kandan, mibpemuhat dan te menge pemuhat, menge veyewà, wey menge inumen diyà te metikang he menge lugar wey ziyà te merapung he menge kayu he egkeehè dan. Umbe utew ku sikandan nepeuki.

Hoseas 9:3

Ed-awè kew kayi te Israel he tanà te Nengazen, ne edlikù kew ziyà te Ehipto. Is duma keniyu edhendiyà te Asiria, ne zutun egkaan kew te menge keenen he mid-isip niw he meremerik.

Deuteronomio 32:9

Su mibpilì te Nengazen is menge kevuwazan ni Jacob he iyan mid-isip din he menge etew zin.

Nehemias 9:26

“Piru minsan pa te iyan haazà, midsupak dan wey nekidsukulà kenikew. Mid-iniyuǥan dan is Kesuǥuan nu. Mibpenhimetayan dan is menge ebpeneuven nu he ed-umew kandan te kedlikù diyà te kenikew. Utew subra is kedsumpelita zan kenikew!

Isaias 19:25

Ebpenubtuvazan sikandan te Nengazen he Mekeǥeǥehem he edhenduen te, “Ebpenubtuvazan ku is menge Ehiptohanen he menge etew ku, is menge Asiryanhen he menge linimbag ku, wey is menge Israilihanen he ǥaked ku.”

Ezekiel 20:24

su wazè dan tumana is menge suǥù ku wey menge sulunuzen, wey wazè dan isipa he segradu is Andew te Kedhimeley he impetuman ku kandan. Iyan dan hinuun impelavi is ked-azap te menge ed-ezapen te menge kepuun dan.

Ezekiel 23:35

Ne ǥeina te midlipatan a kenikew wey mid-iniyuǥan, ne siak is Nengazen he MEGBEVAYÀ, egkaǥi a he egkerasey ka tenged te mahawag he vaal he iyan is kebelegyè nu te zengeg nu.’ ”