Jeremias 2:12 - Manobo Western Bukidnon OT

¹² Netingkemed is menge linimbag diyà te langit kayi te mibeelan dan; migkerker sikandan tenged te utew zan kegkelimezangi. Iyan a, is Nengazen, is migkaǥi kayi.

Jeremias 2:12 Referans Kwoze

Isaias 1:2

Pemineg ka is langit wey is tanà, su migkaǥi is Nengazen te, “Mid-elimahan ku wey impezekelè ku is menge Israelinhon he menge anak ku, piru midsukul sikandan kediey.

Micas 6:2

Ne sikiyu is menge vuntud wey melig-en he menge pundasyun te kelibutan, pemineǥa niw is riklamu te Nengazen mehitenged te menge Israilihanen he menge etew zin. Iyan heini riklamu zin:

Jeremias 22:29

Sikiyu is menge tig-Juda, pemineǥa niw is lalag te Nengazen.

Jeremias 6:19

Pemineg ka, is kelibutan! Ebpeuwitan ku te kezeetan heini he menge etew he idsilut ku kandan tenged te mezaat he menge planu zan. Su wazè dan pemineǥa is menge lalag ku wey inselikwey zan is kesuǥuan ku.

Deuteronomio 32:1

He langit, pemineg ka su egkaǥi a! He tanà, pemineǥa nu is menge lalag ku.

Jeremias 4:23

Neehè ku is kelibutan he wazè din purma wey taǥù. Neehè ku zaan is langit he wazè din kerayag.

Isaias 29:9

Sikiyu is menge tig-Juda, liveǥa niw is isip niw wey tinulebung kew. Sebpengi niw is menge mata niw ne mebpekelakap kew. Pelelangut kew piru kenà pinaaǥi te vinu, diregdireg kew piru kenà tenged te visa te vinu.

Jeremias 18:13

Umbe, iyan heini migkaǥi te Nengazen: “Duen be nehitavù diyà te zuma he menge nasyun he migkaǥi te iring kayi? Is Israel he iring te vahi he wazè pa mehileveti mibaal te utew mezaat he vaal.