Jeremias 19:14 - Manobo Western Bukidnon OT

¹⁴ Ne mid-awà si Jeremias diyà te Tofet, he zutun din keǥiya is menge lalag te Nengazen, ne midhendiyà te lama zuen te valey te Nengazen ne migkeǥiyan din is menge etew te,

Jeremias 19:14 Referans Kwoze

2 Cronica 20:5

Ne midhitindeg si Jehoshafat diyà te etuvangan te keet-etawan te Juda wey te Jerusalem diyà te etuvangan te veǥu he lama te valey te Nengazen.

Jeremias 17:19

Migkaǥi is Nengazen kayi te kedì te, “Hitindeg ka ziyà te menge pultahan te Jerusalem. Diyè ka huna hitindeg te pultahan he veyeey te menge hadì te Juda, ne emun egkepasad, ne ziyè ke en te zuma he menge pultahan.

Jeremias 25:2

Migkeǥiyan te ebpeneuven he si Jeremias is langun he menge etew ziyà te Juda wey is langun he meǥinged diyà te Jerusalem te:

Jeremias 28:5

Ne midtavak te ebpeneuven he si Jeremias is ebpeneuven he si Hanania diyà te etuvangan te menge memumuhat wey te ebpemenhitindeg he menge etew ziyà te valey te Nengazen.