Jeremias 18:8 - Manobo Western Bukidnon OT

⁸ ne is menge meǥinged dutun te nasyun etawa ginhedian ed-engked te kelelalung, kenè ku edleusen is pelanu ku te kedezaat kandan.

Jeremias 18:8 Referans Kwoze

Ezekiel 18:21

“Iyan, emun ed-engkezan te lalung he etew is langun he salà he neveelan din, ne edtuman te sulunuzen wey ebaal te hustu wey metazeng, kenà sikandin ebpatey, kekenà, egkeuyag-uyag sikandin.

Jeremias 26:13

Umbe, beǥuwa niw en is betasan niw wey menge vaal niw, ne sunuza niw is Nengazen he Megbevayè niw. Su emun ebeelan niw heini kenà edleusen te Nengazen is kezeetan he nekaǥi zin he ebpekesuǥat keniyu.

Hoseas 11:8

“Sikiyu is menge tig-Israel, kenè ku egkehimu is kedselikwey wey kebey-ani keniyu. Kenè ku egkehimu is kebpurungi kedezeeti keniyu iring te mibeelan ku ziyà te inged he Adma wey Zeboyim. Utew ebmesakit is gehinawa ku emun ebeelan ku heini ziyà te keniyu. Nehizuwan ku sikiyu.

Jeremias 26:3

Su kela ke mebpemineg ded sikandan kenikew ne ed-engkezan dan is mezaat he vetasan dan. Su emun ebeelan dan heeyan, ne kenè ku edleusen is kezeetan he mibpelenuwan ku te ebaal ziyà te kandan tenged te mezaat he menge vaal zan.

Zatù 2:18

Is langun he menge pengulu he imbeǥey te Nengazen kandan ne midtevangan te Nengazen. Ne mintras uuyag pa is menge pengulu zan pedayun is kedlibriya kandan te Nengazen puun te menge kuntada zan. Su nehizuwan din sikandan dutun te kedag-es dan tenged te menge kemeresayan dan te kedèdaaǥa wey kebpesipelahi kandan.

Salmo 106:45

Midtentenuzan te Megbevayà is kebpekid-uyun din kandan, ne tenged te utew zin kebmahala kandan, nahalin is isip din ne kenè din en sikandan edsilutan.

Salmo 135:14

Su ibpeehè nu, Nengazen, he wazà mekesalà is menge etew nu he menge suluǥuen nu, ne egkehizuwan nu sikandan.

Salmo 90:13

Nengazen, sengemenu keluǥayad is kegkepeuki nu kenami? Seǥipaa key en wey kehizuwi key en is menge suluǥuen nu.

2 Cronica 12:6

Is hadì wey is menge pengulu te Israel, mid-angken dan is salè dan ne ke sikandan te, “Metazeng is Nengazen!”

Deuteronomio 32:36

Edhukum is Nengazen he edlavan te menge etew zin; egkehizuwan din sikandan is menge suluǥuen din, emun egkeehè din he wazè dan en desen wey zeisey zà is egkesamà kandan, uripen man etawa kenà uripen.

Exodus 32:12

Emun egeraan nu is menge etew nu kenè be ebpekekaǥi is menge Ehiptohanen te iyan nu zà impeǥewasa kandan diyà te Ehipto su egeraan nu sikandan kayi te vuntud su wey maawà sikandan kayi te kelibutan? Umbe deyzey ke id-awè nu is pauk nu kandan; deyzey ke edhelinen nu is isip nu ne kenè nu zed sikandan edèdeetan.

Jonas 4:2

Ne mid-ampù sikandin diyà te Nengazen he ke sikandin te, “Nengazen, heini is kebpeseyluwa nu te menge tig-Nineve, ne zaan ku en he netueni zutun te aney he kedsuǥua nu kedì, umbe migaanggaan a mebpelaǥuy pehendiyà te Tarshish. Su netuenan ku he veliǥeǥawen ka wey hihizuwen he Megbevayà. Ne mepelevayen wey nepenù te hizu wey andam he kenà edlaus edsilut te menge etew he ed-iniyug te mezaat.

Ezekiel 33:13

Emun egkaǥi a ziyà te metazeng he etew te siguradu he egkeuyag-uyag sikandin, piru kegketapus dutun ebaal sikandin te salà su edsarig he ebpekelibri kandin is nehuna he meupiya he menge vaal zin, heeyan he etew ebpatey tenged te salè din. Kenè ku en edtentenuzan is meupiya he menge vaal zin.

Ezekiel 33:11

Ne ǥuntaan keǥiyi nu sikandan he siak, is Nengazen he MEGBEVAYÀ he uuyag, migkaǥi a he kenà a egkelipey emun duen ebpatey he lalung he etew. Iyan suat ku he engkezi zan is mezaat he menge vaal zan su wey zan meuyag-uyag. Umbe sikiyu is menge etew te Israel, engkezi niw en is mezaat he menge vaal niw. Maan is egkesuat kew he ebpatey?

Jeremias 42:10

Emun kenè kew ed-awà kayi he tanà ed-enawen ku sikiyu wey edlig-enan, ne kenè ku sikiyu edezeetan. Su ingkeseeng ku is kezeetan he impeseǥazan ku keniyu.

Jeremias 36:3

Su kela ke mahalin is isip te menge etew ziyà te Juda emun egkezineg dan is menge kezeetan he mibpelenuwan ku te ebaal ziyà te kandan ne ed-engkezan dan is mezaat he menge vetasan dan. Emun egkeulaula heini, ebpeseyluwen ku sikandan te kelelalung dan wey menge salè dan.”

Jeremias 26:19

Ne midhimetayan be sikandin ni Hezekia wey te minsan hentei kayi te Juda? Wazà! Su midtahud ni Hezekia is Nengazen ne midangep diyà te kandin. Umbe wazà leusa te Nengazen is kezeetan he migkaǥi zin he ebpekesuǥat kandan. Ne ǥuntaan emun edhimetayan niw si Jeremias, ne iyan kew mismu ed-uwit te mekahandekhandek he idsilut keniyu.”

Jeremias 15:6

Inselikwey a keniyu; layun a keniyu ed-iniyuǥi. Umbe egemiten ku is gehem ku te kedezaat keniyu. Neperahan ad he ebpaahà te hizu ku keniyu.

Jeremias 12:16

Emun ebpurungan dan ed-istudyuwi is menge paaǥi te kebpengungubpaan te menge etew ku ne edheǥeten dan is penangdù dan pinaaǥi te ngazan ku, iring te impenurù dan dengan te menge etew ku he kedheǥeta te penangdù pinaaǥi te ngazan ni Baal, egkehimu zan he kevahin te menge etew ku.

Ezekiel 33:14

Ne emun egkeǥiyan ku is lalung he etew he siguradu he ebpatey sikandin, piru mibpezumdumahan din is sambag kandin ne mid-engkezan din is mezaat he menge vaal zin ne mibaal te hustu wey metazeng–

Exodus 32:14

Ne tenged kayi wazè ded leusi te Nengazen te edezaat is menge etew zin.

Ezekiel 33:12

“Ne ǥuntaan, sikew is etew, keǥiyi nu is duma nu he menge meǥinged he emun ebaal te salà is metazeng he etew, is meupiya he menge vaal zin dutun te nehuna he timpu ne kenà ebpekelibri kandin. Ne emun iyan ed-engked te mezaat he menge vaal zin is lalung he etew ne kenè en sikandin edsilutan tenged duen te nehuna he kelelalung din.

Amos 5:15

Senggilahi niw is mezaat ne veeli niw is meupiya, ne hukum kew te hustu ziyà te hukmanan. Su kela ke mehizuwi kew zed te Nengazen he Megbevayà he Mekeǥeǥehem is nengesamà keniyu te menge kevuwazan ni Jose.