Jeremias 17:26 - Manobo Western Bukidnon OT

²⁶ Edsimba is menge etew ziyà te valey te Nengazen he ebpemuun diyà te menge lugar he nekeelingkus te Jerusalem wey ziyà te menge inged diyà te Juda wey Benjamin, wey ziyà te menge mibuntud-buntud diyà te edsenlepan, diyà te menge vuvungan, wey ziyà te Negev. Ed-uwit dan diyà te valey ku is menge pemuhat he edtutungen wey zuma pa he menge pemuhat, iring te pemuhat he para gasa, pemuhat he para te kebpeselemat, wey menge veyewà.

Jeremias 17:26 Referans Kwoze

Zacarias 7:7

Iyan daan heini menge lalag he impekaǥi ku zengan te menge ebpeneuven, dutun te timpu he meuswaǥen pa is Jerusalem wey mahabet pa is menge etew kayi ragkes is menge inged diyà te peliǥuy zin, wey ragkes is Negev wey is menge mibuntud-buntud diyà te edsenlepan.”

Jeremias 33:13

Dutun ebmahabet en maan is menge uyaǥen dan diyà te menge inged he ziyà te menge vuvungan, diyà te menge mibuntud-buntud diyà te edsenlepan, diyà te Negev, diyà te menge tanà ni Benjamin, diyà te zezeisey he menge inged he nekeelingkus te Jerusalem, wey ziyà te menge inged diyà te Juda. Iyan a, is Nengazen, is migkaǥi kayi.”

Jeremias 32:44

“Uya, egkehitavù ded is kebeyazi te menge etew te pelata te menge vevesukà. Ebaal sikandan te kesebutan. Ebpirmahan, edtetakan is menge pepilis, ne edtistiǥusan. Egkeulaula heini ziyà te menge tanà ni Benjamin, wey ziyà te zezeisey he menge inged he nekeliǥuy te Jerusalem, malù dezekelà he menge inged diyà te Juda, wey te menge inged diyà te menge vuvungan, diyà te inged te menge mibuntud-buntud diyà te edsenlepan, wey ziyà te inged he Negev. Ibpelikù ku is menge etew ku wey ibpeuswag ku sikandan ibpeuman. Iyan a, is Nengazen, is migkaǥi kayi.”

Salmo 107:22

Ereg sikandan he ebpemuhat para te kebpeselamat diyà te Megbevayà; ne pinaaǥi te kegkanta tenged te kegkelipey ne tudtula zan is menge vaal zin.

Jeremias 33:11

is kedlipey wey keguǥusà. Egkezineg is kebpeeyuwà te beuǥu, wey is kedlipey te ebpemen-uwit te menge pemuhat diyà te valey te Nengazen he para te kebpeselamat. Egkaǥi zan te, ‘Ebpeselamat kiw te Nengazen he Mekeǥeǥehem, su meupiya sikandin. Wazà pidtemanan te ǥaǥew zin.’ Edlipey is menge etew su idlikù ku is meupiya he kebpekesavuk dan kayi he tanà iring te kebpekesavuk dan dengan. Iyan a, is Nengazen, is migkaǥi kayi.”

Salmo 116:17

Ed-ezapen ku sikew ne edhalad a para te kebpeselamat kenikew.

Ezra 3:11

Dutun midalig dan wey mibpeselematan is Nengazen; migkanta zan he edhenduen te, “Meupiya iyan is Nengazen, su is kebmahala zin te Israel ne wazà pidtemanan.” Ne ingkulahì te mezaǥing te langun he menge etew zutun is kedeliǥa zan te Nengazen su ǥeina te nepasad en is pundasyun duen te valey te Nengazen.

Salmo 66:13

Ebpemuhat a ziyà te valey nu te menge pemuhat he edtutungen. Edtumanen ku is menge penangdù ku ziyà te kenikew,

Jeremias 30:19

Ne egkanta sikandan te menge peselamat wey ed-ugyab dan tenged te kegkelipey. Ibpemahabet ku sikandan wey ebeǥayan ku te zengeg.

Isaias 58:13

“Kinahanglan he edtumanen niw is menge ebpeveelan ku zutun te Andew te Kedhimeley. Kenè niw veeli is menge vaal he para zà te keugelingen niw he kelipey zutun te segradu he andew. Ikelipey niw is Andew te Kedhimeley, ne pekeveǥata niw heini pinaaǥi te kenà kebpetuyang te egkesuatan niw, wey ked-engked kegkaǥi te menge lalag he wazè din pulus. Emun ebeelan niw heini,