Jeremias 17:13 - Manobo Western Bukidnon OT

¹³ Iyan ka Nengazen, egkeperateng te menge Israilihanen. Egkepeel-elezan is langun he mid-awà diyà te kenikew. Idleveng sikandan diyà te zizalem te tanà, su inselikwey ke zan, is serebseb he ebpekeveǥey te untung.

Jeremias 17:13 Referans Kwoze

Isaias 1:28

Piru edezeetan din mulà is menge mesinupaken wey menge mekesesalà, he edselikwey te Nengazen.

Jeremias 14:8

He Nengazen, diyè dà te kenikew is perateng dey te menge Israilihanen. Iyan ka ebpekelibri kenami emun timpu he edlised key. Maan is henduen te lumelengyawè ke zà kayi te kenami? Maan is henduen te humuhulevungè ke zà kayi te tanè dey?

Isaias 66:5

Sikiyu is egkahandek he edsupak te lalag te Nengazen, pemineǥa niw is lalag din: “Tenged te kegkemepezumdumahan niw kediey, is duma he menge emurè niw te inged edumut wey edselikwey keniyu. Ed-un-undahan kew zan, ke sikandan te, ‘Mebpaahà is Nengazen te gehem din su wey zey maahà is kelipey niw!’ ” Piru egkepeel-elezan sikandan.

Salmo 73:27

Is menge etew he ed-iniyug kenikew, ne kenà duwazuwa he egkengahanew sikandan; edezeetan nu is wazà medtuman te egkesuatan nu.

Jeremias 2:13

“Is menge etew ku, nekehimu te zezuwa he salà: Mid-iniyuǥan e zan, is serebseb he ebpekeveǥey te untung, wey migkalut dan te vudsi he punduwà te wahig he egkemezahan, he iyan is ked-azap te zuma he menge ed-ezapen.

Joel 3:16

Eghiniǥer is Nengazen he ebpuun te Zion; edraǥeb is laǥeng din he ebpuun te Jerusalem. Ne tenged kayi egkehuyung is kelibutan wey is langit. Piru melig-en he eputà is Nengazen para te menge Israilihanen he menge etew zin.

Jeremias 2:17

“Iyan kew mismu is menge Israilihanen, mid-uwit kayi he kezeetan diyà te keniyu. Su hein mibpenguluwan ku sikiyu ziyà te zalan, inselikwey a keniyu, is Nengazen he Megbevayà,

Daniel 12:2

Ebenhawen is mahabet he nemematey. Is duma kandan ebpekaangken te untung he wazà pidtemanan, piru is duma edrewakan wey ebpeel-elezan te wazà pidtemanan.

Ezekiel 36:32

Piru egkesuatan ku he metueni niw te menge etew te Israel he ebeelan ku heini kenà tenged keniyu. Umbe ereg he igkeeled niw is menge ulaula niw. Iyan a, is Nengazen he MEGBEVAYÀ, is migkaǥi kayi.”

Ezekiel 16:63

Egketenuzan nu is menge salè nu ne egkeeled ka, ne kenè ke en ebpekekaǥi tenged te utew nu kegkeeled emun ebpeseyluwen ku en sikew tenged te langun he mibeelan nu. Iyan a, is Nengazen he MEGBEVAYÀ, is migkaǥi kayi.”

Jeremias 17:17

Kenà a kenikew pelihendeka, su iyan ka eputè ku emun timpu te kezeetan,

Jeremias 17:5

Migkaǥi pa is Nengazen te, “Edrewakan ku is etew he ed-awà kayi te kedì ne edsarig dà te etew.

Erubasa 14:14

Is etew, ne egkezawat din is bales te mibeelan din, meupiya etawa mezaat.

Erubasa 10:7

Is metazeng he etew, egkehimu sikandin he tuvad te zuma ne layun sikandin egketenuzi, piru is lalung he etew egkelipatan en.

Salmo 97:7

Egkepeel-elezan is langun he edsimba te ledawan wey is ibpegalbu zan is duma he menge ed-ezapen. Is langun he tarù he megbevayà edluhud te ked-azap te tutuu he Megbevayà.

Salmo 22:4

Midsarig kenikew is menge kepuun dey ne midlibri nu sikandan.

Salmo 71:5

He Nengazen he MEGBEVAYÀ, diyà te kenikew is perateng ku. Su puun te vatè e pa ne midsarig e en kenikew.

Jeremias 17:18

Peel-elezi nu wey pelihendeka nu is menge edtinguhà te kezeetan ku, ne kenà a mulà. Ipeseǥazi nu kandan is kezeetan su para mengezeeti sikandan is langun.

Jeremias 19:4

Umbe ebeelan ku heini, su inselikwey a te menge etew ku, ne heini he suǥud-suǥud midhimu zan he pemuhatà te menge pemuhat he edtutungen he para te zuma he menge ed-ezapen. Menge ed-ezapen he wazè dan ganì mekilala wey minsan is menge kepuun dan wey is menge hadì diyà te Juda ne wazà mekekilala. Ne ebpenhimatey pa sikandan te wazè pa hanew he menge vatà kayi he lugar.

Jeremias 50:7

Edsurungen sikandan te ebpekaahà kandan. Egkaǥi is menge kuntada zan te, ‘Nekesalè dan diyà te Nengazen he iyan tutuu he eputè dan wey egkeperateng te menge kepuun dan, umbe wazè tew televaken emun edsurungen tew sikandan.’

Ezekiel 13:9

Edsilutan ku sikandan is menge ebpeneuven he kenà tutuu is nengelewasan dan wey tarù is menge tagnè dan. Kenà sikandan egkilelaan he zuma te menge etew ku, ne is menge ngazan dan kenà idsurat diyà te listahan te menge etew ziyà te Israel, ne kenà sikandan ebpekeseled diyà te tanà te Israel. Ne human niw egketuenan he iyan a Nengazen he MEGBEVAYÀ.

Zacarias 9:12

Sikiyu is menge nevihag he ebperateng he mekelingkawas, likù kew en diyà te melig-en he menge lugar. Ǥuntaan egkaǥi a ziyà te keniyu he idlikù diyà te keniyu he edtekepen is naawà diyà te keniyu.

Zacarias 13:1

Migkaǥi pa is Nengazen he Mekeǥeǥehem te, “Dutun he andew ibpetudà is serebseb para te kevuwazan ni David wey te menge meǥinged diyà te Jerusalem, su edlumpiyuwan sikandan tenged te menge salè dan wey kegkeremeriki kandan. Id-awè ku is menge ed-ezapen diyà te tanà he Israel ne kenè en heini egketenuzan. Ibpaawè ku puun te Israel is menge etew he uvag kun ebpeneuven, wey is mezaat he menge mulin-ulin he edumala kandan.

Salmo 69:29

He Megbevayà, nesekitan a wey nekaantus a, umbe levani a kenikew pinaaǥi te kedlibriya nu kediey.