Jeremias 14:2 - Manobo Western Bukidnon OT

² “Egkeseeng utew is Juda; is menge inged kayi ebpengguyaan. Ebpemekepimpinuu is menge meǥinged kayi he tanà is egkengeseeng, ne egkezineg is ebpemenineǥew ziyà te Jerusalem.

Jeremias 14:2 Referans Kwoze

Isaias 3:26

Duen edlalew wey ebpemenineǥew ziyà te menge pultahan dutun te inged. Ne haazà is inged egkeiring te vahi ha nekezuzungul ziyà te tanà he nahanew is langun he azen din.

Jeremias 8:21

Migkaǥi si Jeremias te, “Utew mesakit is gehinawa ku. Ingkesekiti ku is utew kegkerasey te menge emurè ku te inged. Midlalew a wey utew a neseeng.

1 Samuel 5:12

Ne sikan is nengesamà he wazà mebpatey ne mibpenlevaǥan, ne nekeuma ziyà te langit is kebpekitavang dan.

Zacarias 7:13

Ne ǥeina te wazè dan mebpemineg te migkaǥi ku, ne kenà a zaan ebpemineg emun ed-umawen e zan.

Jeremias 11:11

Umbe siak, is Nengazen, migkaǥi a te ibpaaǥi ku ziyà te kandan is kezeetan he kenè dan egkelikayan. Ne minsan ebuyù pa sikandan te tavang kayi te kediey ne kenè ku sikandan ebpemineǥen.

Joel 2:6

Is menge etew he ebpekaahà kandan egkahandek ne ebmemeluntak.

Joel 1:10

Egkengezeetan is menge pemuleey he henduen be te etew he edlalew. Egkengezeetan is menge trigu ne egkeǥangu is menge paras wey is menge kayu he ulibu.

Hoseas 4:3

Tenged kayi mibmemaza is tanè niw ne ebpematey is langun he meǥinged duen, ragkes is langun he uyaǥen he edhipanew, edlayang, wey edlayewlayew.

Penhulùhulù 5:10

Edetengen key tenged te subra he kegkevitil, ne is menge lawa zey henduen be te keinit te rapug is keinit din.

Penhulùhulù 2:9

Netembunan te tanà is menge pultahan te inged. Nengevengkag is menge terangka kayi, su mibpemadti heini te Nengazen. Mibihag is menge hadì wey is dungganen he menge etew te Jerusalem. In-engked en ipenurù is kesuǥuan. Wazè en menge lalag te menge ebpeneuven he ebpuun diyà te Nengazen.

Jeremias 18:22

Ipeerang nu sikandan tenged te utew kegkahandek emun ibpetik-ew nu ibpesurung diyà te menge valey zan is menge kuntada zan. Su mibangbang dan su para meulug a, wey midlitag sikandan su wey a melitag.

Jeremias 12:4

Keenu egkeengked is kebmemaza te tanà wey kegkeǥangu te menge sagbet diyà te langun he menge vevesukà? Nemematey is menge langgam wey menge tagbis tenged te kelelalung te menge etew he ed-ubpà keniyan he tanà. Migkaǥi pa sikandan te, “Wazè mebpekilavet is Megbevayà te egkepeveyaan tew.”

Jeremias 4:28

Egkeseeng is kelibutan ne ebmerusirem is langit, su nekaǥi ku en is silut, ne kenè ku en ebelvelewanan is nekaǥi ku. Nekedisisyun ad ne kenè en egkahalin is isip ku.”

Isaias 33:9

Nezeetan is tanà he Israel. Nengeǥangu is menge kayu ziyà te Lebanon, ne ke và dà etew ne neeled-eled heini. Neiring te sibsivayan is menge suǥud diyà te Sharon. Netaktak is menge zahun te menge kayu ziyà te Bashan wey Carmel.

Isaias 24:7

Egkeǥangu is menge paras ne egkaamin is binu. Egkengeseeng is ebpemenlipeylipey,

Isaias 24:4

Egkemezahan wey ebadtik is tanà. Ebmeluya is menge etew te tivuuk he kelibutan, ragkes en is dungganen he menge etew kayi te kelibutan.

Isaias 15:5

Ingkeseeng ku is menge tig-Moab. Mibpelaǥuy is menge etew zutun pehendiyà te Zoar wey Eglat Shelishiya. Midsineǥew sikandan is edtekezeg diyà te Luhit. Is duma kandan nemen-eerang dutun te kedhendiyè dan te Horonaim, tenged te nehitavù kandan.

Isaias 5:7

Is pemuleey te Nengazen he Mekeǥeǥehem he mid-elimahan din wey igkelipey zin, iyan is menge etew ziyà te Israel wey Juda. Edtaǥad sikandin he tumana zan is hustu he kukuman, piru nasì dan mebpenhimatey. Edtaǥad sikandin he veeli zan is metazeng, piru nasì dan mebpendaagdaag.

Job 34:28

Edèdaaǥen dan is menge pubri, ne nezineg te Megbevayà is kebuyù dan te tavang.

1 Samuel 9:16

“Keeselem te iring ded kayi he uras, duen sevaha he etew he ibpehendiyan ku he ebpuun te lugar he Benjamin. Lenahi is ulu zin he iyan tuus he iyan sikandin nepilì he pengulu te menge etew ku he Israilihanen. Iyan sikandin edlibri te menge etew ku he nengesakup te menge Filistihanen, su neehè ku is kebpekeantus dan utew, wey nezineg ku is kebuyù dan te tavang.”

Exodus 2:24

Nezineg te Megbevayà is dag-es dan, ne netenuzan din is paaǥi te kebpekid-uyun din diyà te ki Abraham, ki Isaac, wey ki Jacob.

Salmo 144:14

Ne mekergahi is menge vaka zey te zekelà he menge pruduktu. Berakat he kenè key en surunga te menge kuntada zey ne kenè key en mevihag. Ne verakat he wazè en maan menge sineǥawan te egkeseeng diyà te menge zalan dey.

Isaias 24:11

Ebpemengulahì is menge etew ziyà te menge zalan su ebuyù dan te vinu. Is kelipey zan egkeliwanan te kegkeseeng. Wazè en kelipey kayi te kelibutan.

Jeremias 12:11

Midhimu zan heini he lugar he wazè din en pulus diyà te etuvangan ku. Ne nehimu heini he sibsivayan su wazè en edseǥipà kayi.

Jeremias 46:12

Egketuenan te menge etew ziyà te menge nasyun kayi te tivuuk he kelibutan is keelezan niw wey kebpekesineǥew niw. Su ebpekedrurumbag is menge sundaru niw he egkengepiley.”

Penhulùhulù 2:8

Meheǥet is tuyù te Nengazen te kebengkag duen te menge verengbeng he nekeliǥuy te Zion. Mibpurungan din pelenuwi is kebengkag kayi, ne mibeelan din heini. Umbe nengewaǥey is menge pengalang wey menge verengbeng.

Haggai 1:11

Impememaza ku is tanà wey is menge vuntud. Umbe neipiktuwan is trigu, binu, lana, wey is duma pa he menge abut, ragkes en is menge etew, wey is menge uyaǥen dan, wey menge impemula zan.”

Joel 1:11

Sikiyu is menge perevasuk, keseeng kew! Sikiyu is ed-atur te pemuleey te paras, habet kew sineǥew! Su wazè en menge abut diyà te menge vevesukà; wazè en menge trigu wey menge barli.

Joel 1:14

Keǥiyi niw is menge edumala te Juda wey is langun he meǥinged kayi, he medtiǥum dan is langun diyà te valey te Nengazen he Megbevayè niw ne mebpuasa zan. Mebuyù dan te tavang diyà te Nengazen.